ق ر پرەزيدەنتتىك ورتالىعىندا قازاقستان حالقىنىڭ بىرلىگى كۇنىنە ارنالعان كورمە اشىلدى

көрме
فوتو: ق ر پرەزيدەنتتىك ورتالىعى

استانا. KAZINFORM - بۇگىن، 24-ساۋىردەن باستاپ قازاقستان رەسپۋبليكاسى پرەزيدەنتى ءىس باسقارماسىنىڭ پرەزيدەنتتىك ورتالىعىندا قازاقستان حالقىنىڭ بىرلىگى كۇنىنە ارنالعان «قازاقستان: حالىق ۇندەستىگى» ۋاقىتشا تاقىرىپتىق قور كورمەسى ۇسىنىلىپ وتىر. بۇل تۋرالى ورتالىقتىڭ باسپا ءسوز قىزمەتى مالىمدەدى.

1995 -جىلدىڭ 18-قازانىندا قازاقستان رەسپۋبليكاسى پرەزيدەنتىنىڭ جارلىعى بويىنشا 1-مامىر - قازاقستان حالقىنىڭ بىرلىگى كۇنى دەپ جاريالاندى. كوپتەگەن ۇلتتىڭ ورتاق شاڭىراعىنا اينالعان قازاقستان بەيبىتشىلىك پەن كەلىسىم ارقىلى الەمگە ۇلگى بولاتىن داڭعىل جولدى باستاپ كەلەدى. قازاقتىڭ بايتاق دالاسى بۇگىندە 130 دان استام ۇلت وكىلدەرىنە ورتاق وتان بولىپ تۇر. ەتنيكالىق بەيبىتشىلىك پەن كەلىسىم ساياساتى مەملەكەتتىڭ نەگىزگى باسىمدىقتارىنىڭ ءبىرى بولىپ سانالادى.

кўргазма
فوتو: ق ر پرەزيدەنتتىك ورتالىعى

اشىلعان كورمەنىڭ باستى ماقساتى - پرەزيدەنتتىك ورتالىقتىڭ مۋزەيلىك ەكسپوناتتارى ارقىلى تۇراقتىلىقتى نىعايتۋ، ۇلتارالىق كەلىسىم، مادەنيەتارالىق ديالوگتىڭ قازاقستاندىق ۇلگىسىنىڭ جەتىستىكتەرىن كورسەتۋ.

كورمەدە ۇسىنىلعان بىرەگەي زاتتار قازاقستان رەسپۋبليكاسىنىڭ ءتۇرلى ەتنوستارىنىڭ تاريحي ءوزارا قارىم- قاتىناسىن، ولاردىڭ ىنتىماقتاستىعى مەن مادەني قالىپتاسۋىن اشادى.

кўргазма
فوتو: ق ر پرەزيدەنتتىك ورتالىعى

تاجىك قابىرعا كىلەمى - سيۋزانە، تۇرىكمەن ۇلتتىق پاپاحاسى نەمەسە گۇلدەرمەن كەستەلەنگەن ورىس حالىق رۋشنيگى سەكىلدى ەكسپوناتتار ارقىلى كەلۋشىلەر تۇرىكمەن، وزبەك، ازەربايجان، بەلارۋس، ورىس، كورەي جانە باسقا حالىقتاردىڭ ۇلتتىق كيىم، ىدىس-اياق، كىلەم تاريحىمەن جاقىنىراق تانىسا الادى.

кўргазма
فوتو: ق ر پرەزيدەنتتىك ورتالىعى

كورمەدە پرەزيدەنتتىك ورتالىقتىڭ كيىمدەر، كىلەم جانە كيىز، جۇمساق ينۆەنتار، كادەسىيلىق بۇيىمدار، ىدىس-اياق، بەينەلەۋ ونەرىنىڭ تۋىندىلارى جانە ماتەريالدىق مادەنيەت زاتتارى توپتامالارىنان 200 دەن استام مۋزەيلىك قۇندىلىقتارى ۇسىنىلعان.

кўргазма
فوتو: ق ر پرەزيدەنتتىك ورتالىعى

​كورمە 2024 -جىلدىڭ 10-مامىرىنا دەيىن جالعاسادى.

سوڭعى جاڭالىقتار