ق ر ۇكىمەت باسشىسى ەۋرازيالىق ۇكىمەتارالىق كەڭەستىڭ وتىرىسىنا قاتىسادى
استانا. KAZINFORM - 2024 -جىلعى 3-4-ماۋسىمدا نەسۆيج قالاسىندا (بەلارۋس) ق ر پرەمەر- ءمينيسترى ولجاس بەكتەنوۆ ەۋرازيالق ەكونوميكالىق وداققا (ە ا ە و) مۇشە مەملەكەتتەردىڭ ۇكىمەت باسشىلارىمەن بىرلەسىپ ەۋرازيالىق ۇكىمەتارالىق كەڭەستىڭ كەزەكتى وتىرىسىنا قاتىسادى.
شاقىرىلعان قوناقتار رەتىندە ازەربايجان پرەمەر- ءمينيسترى، ت م د اتقارۋشى حاتشىسى، ەۋرازيالىق دامۋ بانكىنىڭ باسقارما ءتوراعاسى جانە ەۋرازيالىق تۇراقتاندىرۋ جانە دامۋ قورىنىڭ جوبالاۋ بلوگىنىڭ اتقارۋشى ديرەكتورى قاتىسادى دەپ جوسپارلانعان.
«كەڭەس وتىرىسىنىڭ كۇن ءتارتىبى كەدەندىك رەتتەۋ، كولىك جانە لوگيستيكالىق سالالارداعى ءوزارا ءىس- قيمىل، ونىڭ ىشىندە تەمىرجول تاسىمالدارىن سيفرلاندىرۋ، اۋىل شارۋاشىلىعى ونىمدەرىنىڭ كەيبىر اتاۋلارى بويىنشا ينديكاتيۆتىك تەڭگەرىمدەردى قالىپتاستىرۋ، ترانسشەكارالىق نارىقتارداعى باسەكەلەستىك، ە ا ە و- عا مۇشە مەملەكەتتەردىڭ مونوپولياعا قارسى ورگاندارىنىڭ قىزمەتى جانە باسقا دا وزەكتى تاقىرىپتاردى قوسا العاندا، ساۋدا- ەكونوميكالىق ىنتىماقتاستىقتىڭ كەڭ اۋقىمدى باعىتتارىن قامتيدى. قازىرگى كەزدە ازىرلەنىپ جاتقان ە ا ە و- عا مۇشە مەملەكەتتەردىڭ بيۋدجەتتەرى اراسىندا كەدەندىك اكەلۋ باجدارىنىڭ سومالارىن ءبولۋ نورماتيۆتەرىن ەسەپتەۋدىڭ جاڭا ادىستەمەسىن تالقىلاۋعا ەرەكشە نازار اۋدارىلادى»، - دەدى سىرتقى ىستەر مينيسترلىگىنىڭ رەسمي وكىلى ايبەك سمادياروۆ مينيسترلىكتەگى اپتالىق باسپا ءسوز ءماسليحاتىندا.
بەلارۋسكە جۇمىس ساپارىنىڭ رەسمي باعدارلاماسى اياسىندا 3-ماۋسىمدا قازاقستان پرەمەر- ءمينيسترى كەڭەستىڭ باسقا قاتىسۋشىلارىمەن بىرلەسىپ «بەلاگرو - 2024» حالىقارالىق مامانداندىرىلعان كورمەسىنە قاتىسادى.
