ق ر باس پروكۋراتۋراسى بۇرىنعى ىشكى ىستەر ءمينيسترى ەرلان تۇرعىمبايەۆتىڭ ۇستالعانىن راستادى
استانا. KAZINFORM - پروكۋراتۋرا قازاقستاننىڭ بۇرىنشى ىشكى ىستەر ءمينيسترى ەرلان تۇرعىمبايەۆتىڭ ۇستالعانىن راستادى.
ق ر باس پروكۋراتۋراسى باسپا ءسوز قىزمەتىنىڭ حابارلاۋىنشا، قازاقستان رەسپۋبليكاسىنىڭ باس پروكۋراتۋراسى 2022 -جىلعى قاڭتارداعى وقيعالارعا بايلانىستى قىلمىستىق ىستەردى تەرگەۋدى جالعاستىرۋدا.
«بيىلعى 29-ساۋىردە اۋىر زارداپتارعا اكەپ سوققان بيلىك پەن لاۋازىمدى وكىلەتتىكتەردى اسىرا پايدالانعانى ءۇشىن (ق ك-نىڭ 362-بابى 4-بولىگى) قازاقستان رەسپۋبليكاسىنىڭ قىلمىستىق ءىس جۇرگىزۋ كودەكسىنىڭ 128-بابى تارتىبىندە ىشكى ىستەر ەكس-ءمينيسترى ە. ز. تۇرعىمبايەۆ ۇستالدى. قىلمىستىق ىستە مەملەكەتتىك قۇپيالاردى قۇرايتىن مالىمەتتەردىڭ بولۋىنا بايلانىستى سوتقا دەيىنگى تەرگەپ-تەكسەرۋدىڭ باسقا دەرەكتەرى جاريا ەتۋگە جاتپايدى»، - دەلىنگەن حابارلامادا.
سوندي-اق وندا مەملەكەتتىك قۇپيالاردى قۇرايتىن سوتقا دەيىنگى تەرگەپ-تەكسەرۋ دەرەكتەرىن جاريا ەتۋگە جول بەرمەۋ ق ر ق ى ج ك-نىڭ 47 جانە 201-باپتارىنىڭ تالاپتارىمەن رەگلامەنتتەلگەنى ايتىلعان.
