«Pfizer» ۆاكسيناسىن سالدىرۋعا قاتىستى ءجيى قويىلاتىن سۇراقتارعا جاۋاپ بەرىلدى
1) ۆاكسيناتسيا جانە رەۆاكسيناتسيا ءۇشىن كوروناۆيرۋس ينفەكسياسىنا قارسى ۆاكسينالاردىڭ قانداي تۇرلەرى بار؟
ك ۆ ي- گە قارسى ۆاكسيناتسيا جانە رەۆاكسيناتسيا ءۇشىن Alvac ،Sinoрharm كوميرناتي (Pfizer) ۆاكسينالارى بار. قازاقستان رەسپۋبليكاسىنىڭ كەز كەلگەن ازاماتى نەمەسە قازاقستان اۋماعىندا 3-اي جانە ودان كوپ ۋاقىت تۇراتىن شەتەل ازاماتتارى ۆاكسيناتسيانىڭ باستاپقى كۋرسىن، سونىمەن بىرگە رەۆاكسيناتسيا الا الادى. ولار بارلىق كورسەتىلگەن ۆاكسينالاردى قولدانا الادى.
2) «كوميرناتي» ۆاكسيناسى حالىقتىڭ بارلىق توپتارى ءۇشىن قولجەتىمدى مە؟
«كوميرناتي» ۆاكسيناسىمەن (Phizer) 12 جاستاعى جانە ودان ۇلكەن بارلىق ادامدار ەگىلە الادى. ونىڭ ىشىندە قازاقستان اۋماعىندا 3 اي جانە ودان كوپ ۋاقىت تۇراتىن شەتەل ازاماتتارى دا باستاپقى ۆاكسيناتسيا كەزىندە قولدانا الادى.
3) «كوميرناتي» ۆاكسيناسىن (Phizer) قولدانا وتىرىپ، قايتالانعان ۆاكسيناتسيانىڭ تولىق كۋرسىن كىم الا الادى؟
شەتەلگە ساپارعا شىعۋدى جوسپارلاعان بارلىق ادامدار «كوميرناتي» (Phizer) ۆاكسيناسىن قولدانىپ، ۆاكسيناتسيانىڭ تولىق كۋرسىن قايتا الا الادى.
4) شەتەلگە شىعاتىن ادامدار ۆاكسيناتسيانىڭ تولىق كۋرسىن قايتادان قالاي الا الادى؟
شەتەلگە شىعاتىن ادامدارعا راستايتىن قۇجاتتارىن ۇسىنىپ، دۇنيەجۇزىلىك دەنساۋلىق ساقتاۋ ۇيىمى ماقۇلداعان ۆاكسينالارمەن ك ۆ ي- عا قارسى ۆاكسيناتسيانىڭ تولىق كۋرسىن قايتا الۋىنا بولادى. بۇل رەتتە، ۆاكسينا ساپارعا شىعاتىن ەلدىڭ تالاپتارىنا بايلانىستى تاڭدالادى. ەگىلەتىن ادامنان نەمەسە ونىڭ زاڭدى وكىلدەرىنەن پروفيلاكتيكالىق ەگۋ كۋرسىن قايتا جۇرگىزۋگە جازباشا تۇردە حاباردار ەتىلگەن كەلىسىم الىنعاننان كەيىن ك ۆ ي-عا قارسى ۆاكسيناتسيانىڭ تولىق كۋرسىن قايتا جۇرگىزۋگە رۇقسات ەتىلەدى.
5) شەتەلگە شىعاتىن كەزدە ۆاكسيناتسيانىڭ تولىق كۋرسىن قايتادان الۋ ءۇشىن مەديتسينالىق ۇيىمعا قانداي راستايتىن قۇجاتتاردى ۇسىنۋ قاجەت؟
ۆاكسيناتسيا كۋرسىن قايتادان الۋ ءۇشىن شەتەلگە شىعۋدى راستايتىن مىناداي قۇجاتتاردى ۇسىنۋ كەرەك: ۆيزا (تۋريستىك، قوناق، ىسكەرلىك)، وقۋعا، ەمدەلۋگە شاقىرۋ، حالىقارالىق دەڭگەيدەگى ءىس- شارالارعا - كونكۋرستارعا، كونگرەستەرگە جانە تاعى باسقاعا قاتىساتىنىن راستايتىن قۇجات.
6) ك ۆ ي- عا قارسى سوڭعى ۆاكسيناتسيا مەن ۆاكسيناتسيانىڭ تولىق كۋرسىن قايتادان الۋ اراسىندا ينتەرۆال بار ما؟
ك ۆ ي- عا قارسى سوڭعى ۆاكسيناتسيا (ۆاكسيناتسيا جانە رەۆاكسيناتسيا) مەن ك ۆ ي- عا قارسى ۆاكسيناتسيانىڭ تولىق كۋرسىن قايتالاۋ اراسىنداعى ينتەرۆال كەمىندە 3 اي.
7) ۆاكسيناتسيانىڭ تولىق كۋرسىن قايتادان العان كەزدە الىنعان رەۆاكسيناتسيانى قايتالانعان كۋرستىڭ ءبىرىنشى دوزاسى رەتىندە ەسكەرۋگە بولا ما؟
ەگەر دوزالار اراسىنداعى ينتەرۆال 3 ايدان اسپاسا، ۆاكسيناتسيانىڭ تولىق كۋرسىن قايتا جۇرگىزۋ كەزىندە رەۆاكسيناتسيانى ك ۆ ي- عا قارسى پروفيلاكتيكالىق ەگۋلەردىڭ ءبىرىنشى دوزاسى رەتىندە ەسەپكە الۋعا بولادى.
8) دۇنيەجۇزىلىك دەنساۋلىق ساقتاۋ ۇيىمى (د د ۇ) ماقۇلداعان ۆاكسينالاردى، ونىڭ ىشىندە «كوميرناتي» ۆاكسيناسىن قولدانىپ، ك ۆ ي- عا قارسى ۆاكسيناتسيانىڭ تولىق كۋرسىن قايدان الۋعا بولادى؟
شەتەلگە شىعۋ ماقساتىندا ك ۆ ي- عا قارسى ۆاكسيناتسيانىڭ تولىق كۋرسىن تۇراتىن جەردەگى پروفيلاكتيكالىق ەگۋلەر جۇرگىزەتىن مەديتسينالىق ۇيىمنان الۋعا بولادى.
9) «كوميرناتي» (Phizer) ۆاكسيناسىمەن ۆاكسيناتسيالاۋ كەزىندە قانداي ينتەرۆال ساقتالادى؟ «كوميرناتي» ۆاكسيناسىمەن ك ۆ ي- عا قارسى ەگۋ ءبىرىنشى دوزادان كەيىن 21-28 كۇن ينتەرۆالمەن ەكى رەت جۇرگىزىلەدى.
10) «كوميرناتي» (Phizer) ۆاكسيناسى قانداي تەمپەراتۋرالىق رەجيمدە ساقتالادى؟
«كوميرناتي» (Phizer) ۆاكسيناسى ورتالىق قويمادا 9 اي بويى مينۋس 60-90 گرادۋس سەلسي تەمپەراتۋرادا، مەديتسينالىق ۇيىمداردا 1 اي بويى پليۋس 2-دەن پليۋس 8 گرادۋس سەلسيگە دەيىن تەمپەراتۋرادا ساقتالادى. وسىعان بايلانىستى، ۆاكسينا مەديتسينالىق ۇيىمدارعا تۇتىنۋ ەسكەرىلە وتىرىپ، از مولشەردە جەتكىزىلەدى.
11) نەلىكتەن ەگۋ كابينەتىندە ك ۆ ي- عا قارسى «كوميرناتي» ۆاكسيناسىن الۋ ءۇشىن 6 ادامنىڭ جينالۋىن كۇتۋ كەرەك؟
«كوميرناتي» (Phizer) ۆاكسيناسى ءبىر قۇتىدا 6 دوزادان بولادى. ۆاكسينانىڭ اشىلعان قۇتىسى پليۋس 2-دەن پليۋس 30 گرادۋس سەلسيگە دەيىن تەمپەراتۋرادا 6 ساعاتقا دەيىن ساقتالادى. سودان كەيىن ۆاكسينا ەگۋگە جارامسىز بولادى. وسىعان بايلانىستى، ۆاكسينانىڭ نەگىزسىز ەسەپتەن شىعارىلۋىن بولدىرماۋ ءۇشىن قۇتىنىڭ مولشەرىن ەسكەرە وتىرىپ، ەگىلەتىن ادامدار سانىنىڭ جينالعانى ماڭىزدى، ياعني قىسقا ۋاقىت ىشىندە 6 ادامدى ەگۋ كەرەك، وسىعان بايلانىستى بۇل ماسەلەگە تۇسىنىستىكپەن قاراۋدى سۇرايمىز.
12) ەگەر ادام باسقا ەلدە «كوميرناتي» Phizer ۆاكسيناسىنىڭ ءبىرىنشى دوزاسىن السا، وندا قازاقستاندا ۆاكسيناتسيا كۋرسىن اياقتاۋعا بولا ما؟
قازاقستان رەسپۋبليكاسىنان تىس جەردە «كوميرناتي» (Phizer) ۆاكسيناسىن قولدانا وتىرىپ ك ۆ ي- عا قارسى ۆاكسيناتسيانىڭ ءبىرىنشى دوزاسىن العان ادامدار قازاقستاندا وسى ۆاكسينامەن ۆاكسيناتسيا كۋرسىن اياقتاي الادى ء(تيىستى ينتەرۆالمەن ەكىنشى دوزانى الادى).
13) «كوميرناتي» (Phizer) ۆاكسيناسىنىڭ قانشا دوزاسى بار؟
ۆاكسيناتسيا جانە رەۆاكسيناتسيا ءۇشىن ۆاكسينا جەتكىلىكتى مە؟ وسى جىلدىڭ ناۋرىز ايىنىڭ سوڭىنداعى جاعداي بويىنشا رەسپۋبليكادا شامامەن 2 ميلليون دوزا «كوميرناتي» (Phizer) ۆاكسيناسى بار، ول الداعى ايلاردا ەگىلەتىن ادامداردى ۆاكسيناتسيالاۋ جانە رەۆاكسيناتسيالاۋ قاجەتتىلىگىن قامتاماسىز ەتەدى.
14) ۆاكسيناتسيا پاسپورتىندا قايتالانعان كۋرس قالاي كورسەتىلەدى؟
ك ۆ ي- عا قارسى ۆاكسيناتسيانى جۇرگىزۋ ناتيجەلەرى بويىنشا قازاقستان رەسپۋبليكاسىنىڭ ازاماتتارىندا جانە تۇرۋعا ىقتيارحاتى بار شەتەل ازاماتتارىندا «eGov mobile» موبيلدىك قوسىمشاسىنىڭ «سيفرلىق قۇجاتتار» سەرۆيسىندە ەلەكتروندىق «ۆاكسيناتسيا پاسپورتى» بار. ەلەكتروندىق «ۆاكسيناتسيا پاسپورتىندا» ۆاكسيناتسيا جانە رەۆاكسيناتسيا تۋرالى دەرەكتەر كورسەتىلەدى.
15) ك ۆ ي- عا قارسى ۆاكسيناتسيا پاسپورتتارى قانداي ەلدەرمەن ءوزارا تانىلادى؟
قازىرگى ۋاقىتتا الەمنىڭ 33 ەلىمەن ۆاكسيناتسيا پاسپورتتارىن ءوزارا تانۋ تۋرالى كەلىسىم جاسالدى، ولار: ارگەنتينا، بەليز، بوليۆيا، برازيليا، ۇلى بريتانيا، ۆەنگريا، گرۋزيا، يندونەزيا، يران، يوردانيا، يسپانيا، كانادا، قىرعىزستان، مالديۆ، موڭعوليا، ارمەنيا، بەلارۋس، مولدوۆا، پەرۋ، سان- مارينو، سەربيا، تۋنيس، ءۇندىستان، فيليپپين، تايلاند، تۇركيا، وزبەكستان، چەحيا، چەرنوگوريا، ەستونيا، جاپونيا، شري- لانكا، ەكۆادور ەلدەرى.
