Pfizer- ءدى گۋمانيتارلىق كومەك رەتىندە الاتىن تابىسى تومەن ەل ەمەسپىز - سوي

نۇر-سۇلتان. قازاقپارات - Pfizer- ءدى گۋمانيتارلىق كومەك رەتىندە الاتىن ەلدەردىڭ قاتارىنا كىرمەيمىز.

بۇل تۋرالى ق ر دەنساۋلىق ساقتاۋ ءمينيسترى الەكسەي سوي ايتتى، دەپ حابارلايدى قازاقپارات ءتىلشىسى.

ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتى بارىسىندا ب ا ق وكىلدەرى مينيستردەن Pfizer ۆاكسيناسى وزبەكستانعا جەتىزىلگەندىگىن ايتا كەلە، اتالعان ۆاكسينانى ەلىمىزگە اكەلۋ نەلىكتەن كەشىگىپ جاتقانىن سۇراعان ەدى.

«ەڭ الدىمەن، وزبەكستانعا گۋمانيتارلىق كومەك رەتىندە جەتكىزىلدى. بۇل - ا ق ش تاراپىنان بەرىلگەن گۋمانيتارلىق كومەك. ءبىز كەلىسسوز جۇرگىزىپ جاتىرمىز. ۆاكسينا بىزگە گۋمانيتارلىق كومەك رەتىندە بەرىلمەيدى. ويتكەنى، قازاقستان ورتاشا باقۋاتتى ەل سانالادى. نەگىزىنەن دۇنيەجۇزىلىك دەنساۋلىق ساقتاۋ ۇيىمىنىڭ تابىسى تومەن ەلدەر ساناتىنا كىرەتىن مەملەكەتتەرگە جەتكىزىلەدى. سوعان وراي بۇل ەلدەرگە گۋمانيتارلىق كومەك رەتىندە بەرىلەدى. افريكا ەلدەرىنە جەتكىزىلىپ جاتىر. قازاقستان مۇنداي ەلدەردىڭ قاتارىنا جاتپايدى. بىزدە ۋاعدالاستىق بار، ۇكىمەتپەن، Pfizer كومپانياسىمەن كەلىستىك. تاياۋ ۋاقىتتا جەتكىلىكتى كولەمدە الامىز»، - دەدى الەكسەي سوي.

ونىڭ ايتۋىنشا، قازان مەن قاراشا ايلارىندا ەلىمىزگە Pfizer- ءدىڭ 4 ميلليون دوزاسى جەتكىزىلەدى.

بۇل 2 ميلليون ادامدى ەكپەمەن قامتۋعا مۇمكىندىك بەرەدى.