Pfizer ەكپەسىن 60 جاستان اسقان سوزىلمالى دەرتى بار ادامدارعا سالۋ ماڭىزدى - الماز شارمانوۆ
الماتى. قازاقپارات - قازاقستاننىڭ پروفيلاكتيكالىق مەديتسينا اكادەمياسىنىڭ پرەزيدەنتى الماز شارمان Pfizer كومپانياسىنىڭ Comirnaty پرەپاراتىمەن تەك جاسوسپىرىمدەردى، جۇكتى جانە بالا ەمىزەتىن ايەلدەردى عانا ەمەس، سونىمەن بىرگە، باسقا ساناتتاعى ادامدارعا دا سالۋدى ۇسىندى.
Facebook-كە جازعان بۇل اقپاراتىن ول ونلاين بريفينگ بارىسىندا راستادى، دەپ حابارلايدى قازاقپارات ءتىلشىسى.
«ەلگە Pfizer ۆاكسيناسىنىڭ 4 ميلليوننان استام دوزاسى اكەلىندى جانە ول جۇكتى ايەلدەر مەن جاسوسپىرىمدەردى ۆاكسينالايدى دەپ بولجاندى.
«وميكرونمەن» كۇرەسۋدىڭ باسىمدىقتارىن، سونداي-اق، Comirnaty-دىڭ شەكتەۋلى ساقتاۋ مەرزىمىن ەسكەرە وتىرىپ، ونىمەن باسقا وسال توپتاردىڭ وكىلدەرىن، اتاپ ايتقاندا، 60 جاستان اسقان جانە سوزىلمالى دەرتى بار ادامداردى قامتاماسىز ەتۋ ماڭىزدى»، - دەدى مەديتسينا پروفەسسورى.
ول وسى ۆاكسينامەن ەگۋ ءۇشىن جاس مولشەرىن كەڭەيتۋ كەرەك دەپ سانايدى. سونداي-اق، الماز شارمان كوروناۆيرۋس دياگنوزىنا جەدەل تەستتەر ەنگىزۋدى ۇسىندى. ونىڭ ايتۋىنشا، وميكرون تۋدىرعان ينفەكسيا جەدەل دەبيۋتپەن جانە جوعارى ينفەكسيامەن سيپاتتالادى. مۇنداي جاعدايلاردا شارا قولدانۋ ءۇشىن پاتوگەندى مۇمكىندىگىنشە تەزىرەك انىقتاۋ قاجەت. بۇل ءۇشىن دياگنوستيكالىق سىناقتار سەنىمدى، جىلدام جانە قولجەتىمدى بولۋى كەرەك. ۆيرۋستىڭ گەنەتيكالىق ماتەريالىن انىقتاۋعا باعىتتالعان پ ت ر دياگنوزى كورسەتىلگەن ولشەمدەرگە سايكەس كەلمەيدى، سەبەبى، ونى زەرتحانالىق جاعدايدا جۇرگىزۋ كەرەك، بۇل ناتيجەلەردى شىعارۋ ءۇشىن شامامەن ءبىر كۇندى قاجەت ەتەدى. سونىمەن قاتار، بۇل وتە قىمبات بولىپ قالادى.
«جەدەل تەست ۆيرۋستى تەزىرەك انىقتاۋعا مۇمكىندىك بەرەدى. ينفەكسيادان باستاپ وميكرون نۇسقاسىنداعى العاشقى بەلگىلەردىڭ باستالۋىنا دەيىنگى ۋاقىت 5-تەن 2 كۇنگە دەيىن قىسقاردى. بۇل - وتە قىسقا كەزەڭ، پ ت ر ۆيرۋستى انىقتاۋعا ۇزاق ۋاقىت قاجەت. قازىر جوعارى دالدىكتەگى جەدەل تەستتەر بار، ولار 15 مينۋت ىشىندە انتيگەندى، ياعني، ۆيرۋستىق اقۋىزدى انىقتاۋعا مۇمكىندىك بەرەدى. ولاردى ءوز بەتىنشە جۇرگىزۋگە بولادى، سيمپتومدار بولعان كەزدە ولار سەزىمتالدىعى مەن ەرەكشەلىگى بويىنشا پتر- دان كەم تۇسپەيدى»، - دەدى ا. شارمان.
پروفەسسور ۇسىنعان ءۇشىنشى شارا - بۇل ۋاقتىلى وقشاۋلاۋ، ەگەر سۋىق نەمەسە جوتەل پايدا بولسا، COVID-19 دياگنوزىن قويۋعا جانە باسقالارعا جۇقتىرماس ءۇشىن وقشاۋلانۋعا بولادى. الماز شارمان ءوزىنىڭ ۇسىنىسىن كوپتەگەن ەلدەردە COVID-19 جۇقتىرعان ادامداردى وقشاۋلاۋدىڭ ۇسىنىلعان ۋاقىتى شامامەن 7 كۇن ەكەنىن ءتۇسىندىردى. الايدا، اپتا سايىنعى تابىستىڭ بولماۋى اركىمنىڭ قولىنان كەلە بەرمەيدى.
«مۇنداي جاعدايلاردا وزىنە ينفەكسيا جۇقتىردى دەپ كۇدىكتەنگەن، اۋرۋدى ءوز بەتىنشە دياگنوستيكالاۋدى، سودان كەيىن اينالاسىنداعىلارعا جۇقتىرماس ءۇشىن ءوزىن- ءوزى وقشاۋلاۋدى شەشىپ، الەۋمەتتىك جاۋاپكەرشىلىك تانىتقان ادامدار ءۇشىن ءبىر ەڭ تومەنگى ەسەپتىك كورسەتكىش (ا ە ك) بويىنشا تاۋلىكتىك تولەمدەردى قاراستىرۋعا بولادى. مۇنداي ءتاسىلدى مەن ءبىر جارىم جىل بۇرىن ۇسىنعان ەدىم»، - دەيدى ا. شارمان.
جەدەل دياگنوستيكانىڭ قولجەتىمدىلىگى ونى جۇزەگە اسىرۋ ءۇشىن جاڭا مۇمكىندىكتەر جاسايدى. ەرتە دياگنوستيكا مەن ءوزىن-ءوزى وقشاۋلاۋدى قولداۋعا باعىتتالعان شارالار كوروناۆيرۋس ينفەكسياسىنىڭ تارالۋىن ايتارلىقتاي شەكتەيدى. ولار لوكداۋندى ينفەكسيا مەن اۋرۋدى باقىلاۋ قۇرالى رەتىندە اۋىستىرۋ ارقىلى ەكونوميكالىق بەلسەندىلىكتى ساقتاۋعا ارنالعان.
