OpenAI ماسكقا قارسى سوتقا شاعىم ءتۇسىردى

استانا. KAZINFORM - تەحنولوگيالىق كومپانيا OpenAI امەريكالىق كاسىپكەر يلون ماسكقا قارسى سوتقا تالاپ ارىز جولداپ، بولاشاقتا زاڭسىز ءارى ادىلەتسىز ارەكەتتەردەن قورعاۋدى سۇرادى، دەپ حابارلادى Reuters اگەنتتىگى.

- سارسەنبى كۇنى OpenAI يلون ماسكقا قارسى سوتقا تالاپ ارىز بەرىپ، فەدەرالدى سۋديادان ماسكتىڭ كومپانياعا قارسى كەز كەلگەن «بولاشاقتاعى زاڭسىز جانە ادىلەتسىز ارەكەتتەرىن» توقتاتۋدى سۇرادى، - دەلىنگەن حابارلامادا.

بۇعان دەيىن، ناۋرىز ايىندا Associated Press اگەنتتىگى ماسكتىڭ OpenAI- دىڭ كوممەرتسيالىق ۇيىمعا اينالۋىنا قارسى تالاپ ارىزى ا ق ش- تاعى فەدەرالدى سوتتا كەرى قايتارىلعانىن حابارلاعان.

سونداي-اق ماسك باسقاراتىن ينۆەستورلار كونسورتسيۋمى OpenAI كومپانياسىن باقىلايتىن كوممەرتسيالىق ەمەس ۇيىمدى ساتىپ الۋ ءۇشىن 97,4 ميلليارد دوللار ۇسىنعان.

ول 2022-جىلدىڭ قاراشا ايىنىڭ سوڭىندا ىسكە قوسىلعاننان كەيىن ءبىر اپتا ىشىندە 1 ميلليون پايدالانۋشى جيناعان ChatGPT چات-بوتىنىڭ اۆتورى رەتىندە تانىمال. كومپانيانىڭ نەگىزىن 2015-جىلى قالاعانداردىڭ ءبىرى - يلون ماسك. الايدا كەيىنىرەك ول OpenAI- مەن بايلانىسىن ۇزگەن.

ايتا كەتەيىك، قازىرگى ۋاقىتتا OpenAy McDonald’s پەن Chevron-نان دا قۇندى بولىپ تۇر.