NYT: ترامپ ۋكراينا جونىندە كەڭەس وتكىزەدى

استانا. KAZINFORM – ا ق ش پرەزيدەنتى دونالد ترامپ دۇيسەنبى كۇنى ءوز اكىمشىلىگىنىڭ جوعارى لاۋازىمدى قىزمەتكەرلەرىمەن، قورعانىس پەن قاۋىپسىزدىككە جاۋاپتى شەنەۋنىكتەرمەن كەزدەسىپ، ۋكرايناعا قاتىستى ساياساتتى تالقىلاماق. مۇنى اق ءۇي اكىمشىلىگىنىڭ اتى-ءجونى اتالماعان وكىلىنە سۇيەنىپ، The New York Times باسىلىمى جازدى.

دەرەككوزدىڭ ايتۋىنشا، ءارتۇرلى ءىس-ارەكەتتەر، سونىڭ ىشىندە بۇرىنعى پرەزيدەنت دجو بايدەننىڭ اكىمشىلىگى تۇسىندا ماقۇلدانعان ۋكرايناعا اسكەري جاردەم بەرۋدى، وق-ءدارى مەن قۇرال-جابدىقتار جەتكىزۋدى توقتاتا تۇرۋ نەمەسە تولىق دوعارۋ ماسەلەسى تالقىلاناتىن كەزدەسۋگە ا ق ش مەملەكەتتىك حاتشىسى ماركو رۋبيو مەن قورعانىس ءمينيسترى پيت حەگسەت تە قاتىسپاق.

3-ناۋرىزدا ترامپ Truth الەۋمەتتىك جەلىسىندە ا ق ش ەندى رەسەي پرەزيدەنتى ۆلاديمير پۋتيننىڭ ءىس-ارەكەتىنە الاڭداۋدى ازايتىپ، باسقا ماسەلەلەرگە كوبىرەك كوڭىل بولگەنى ءجون دەپ جازدى.

«ءبىز پۋتين تۋرالى مازاسىزدانۋدى ازايتۋىمىز كەرەك، ودان گورى ەلگە كەلەتىن زورلىقشى ميگرانتتار، ناركوباروندار، كىسى ولتىرۋشىلەر مەن پسيحياتريالىق كلينيكادان شىققان ادامدار تۋرالى كوبىرەك ويلانۋىمىز كەرەك، سوندا ءبىز ەۋروپاعا ۇقسامايتىن بولامىز!» - دەپ جازدى ترامپ. ونىڭ بۇل مالىمدەمەسى ۆاشينگتون مەن ماسكەۋ اراسىنداعى بايلانىستار جيىلەپ جاتقان شاقتا جاريالاندى.

«ازاتتىق»