نيگەريانىڭ وڭتۇستىگىندە ۇيىمداستىرىلعان جارمەڭكەدە 32 بالا مەرت بولدى

استانا. KAZINFORM - وقيعا نيگاريانىڭ وڭتۇستىگىندەگى ويو شتاتىنداعى جارمەڭكە كەزىندە بولدى، دەپ جازادى تۇركيانىڭ انادولى اگەنتتىگى.

جەرگىلىكتى ۇكىمەت وكىلىنىڭ ايتۋىنشا، نيگەريانىڭ وڭتۇستىگىندەگى ويو شتاتىنىڭ استاناسى يبادان قالاسىندا وتكەن جەكە جارمەڭكەگە جينالعان ادامدار اراسىندا قىسىلىپ قالعان 32 بالا مەرت بولعان. سونىمەن قاتار، كوپتەگەن ادامدار جارالانعان.

زارداپ شەككەندەر جاقىن ماڭداعى اۋرۋحانالارعا جەتكىزىلگەن، وقيعا بويىنشا تەرگەۋ ءجۇرىپ جاتىر.

ويو شتاتىنىڭ گۋبەرناتورى شەي ماكيندە جارمەڭكە ۇيىمداستىرۋشىلارى ۇستالعانىن مالىمدەگەن.

بۇعان دەيىن نيگەريانىڭ بەنۋە شتاتىندا جولاۋشىلار كەمەسى سۋعا باتىپ، 20 ادام مەرت بولعانىن حابارلاعان ەدىك.

قاراشا ايىنىڭ سوڭىندا دا نيگەر وزەنىندە قايىق اۋدارىلىپ، 27 ادام قۇربان بولعان.