نيگەريادا سۋ تاسقىنىنان قازا تاپقاندار سانى 151 ادامعا جەتتى
ابۋدجا. KAZINFORM - نيگەريانىڭ باتىسىنداعى نيگەر شتاتىندا نوسەر جاڭبىر مەن سۋ تاسقىنى سالدارىنان قازا تاپقاندار سانى 151 ادامعا جەتتى. بۇل تۋرالى شتاتتىڭ توتەنشە جاعدايلار باسقارماسىنىڭ (SEMA) وكىلدەرى حابارلادى، دەپ جازدى انادولى اگەنتتىگى.
اگەنتتىك ديرەكتورى يبراگيم حۋسسەيني جۋرناليستەرگە بەرگەن مالىمدەمەسىندە، موكوۆا اۋدانىندا نوسەر جاۋىن سالدارىنان بولعان تاسقىننان 3000 نان استام ادام ۇيلەرىن تاستاپ كەتۋگە ءماجبۇر بولعانىن ايتتى. ونىڭ ايتۋىنشا، 11 ادام جاراقات العان، ال جۇزدەگەن ءۇي سۋ استىندا قالعان.
نيگەريا پرەزيدەنتى بولا احمەد تينۋبۋ زارداپ شەككەن ايماقتاردا قۇتقارۋ جانە گۋمانيتارلىق وپەراتسيالاردى كۇشەيتۋ تۋرالى تاپسىرما بەردى. بۇل تاپسىرما ۇلتتىق توتەنشە جاعدايلار اگەنتتىگىنە (NEMA) جانە كۇشتىك قۇرىلىمدارعا باعىتتالدى.
تروپيكالىق كليماتتىق ايماقتا ورنالاسقان نيگەريا جاۋىن- شاشىننىڭ مول تۇسۋىمەن ءجيى بەتپە- بەت كەلەدى. ەلدىڭ سۋ رەسۋرستارى مينيسترلىگى بۇعان دەيىن بىرنەشە ايماقتا نوسەر جاۋىن مەن تاسقىن قاۋپى تۋرالى ەسكەرتۋ جاساعان بولاتىن.
وتكەن جىلى دا وسىنداي اۋا رايى جاعدايلارىنان 1235 ادام قازا تاۋىپ، 1,2 ميلليوننان استام تۇرعىن ۇيلەرىن تاستاپ كەتۋگە ءماجبۇر بولعان ەدى.
