نيگەريادا قاراقشىلاردىڭ شابۋىلىنان كوز جۇمعاندار سانى 200 گە جۋىقتادى

نيگەريانىڭ ورتالىعىندا سودىرلاردىڭ شابۋىلىنان 198 ادام قازا تاپتى، دەپ حابارلايدى Kazinform اگەنتتىگى Euronews رەسۋرسىنا سىلتەمە جاساپ.

بۇل تۋرالى سارسەنبى كۇنى ءتىرى قالعاندار ولگەندەردى جەرلەي باستاعان كەزدە جەرگىلىكتى بيلىك حابارلادى.

پلاتو شتاتىنداعى بىرنەشە اۋىل سەنبىدەن سەيسەنبىگە دەيىن ءۇش كۇن بويى قارۋلى توپتاردىڭ شابۋىلىنا ۇشىرادى.

بۇل ايماق بىرنەشە جىلدان بەرى ءدىني جانە ەتنيكالىق شيەلەنىستىڭ ازابىن تارتىپ كەلەدى.

ورماندا ورنالاسقان بانديتتىك توپتار وسىنداي رەيد جۇرگىزەدى، اقشا ءۇشىن ادامداردى توناپ، ۇرلايدى.

ەسكە سالا كەتەيىك، بۇعان دەيىن نيگەريادا شابۋىلدان قازا تاپقاندار سانى 160 قا جەتكەنىن حابارلاعان ەدىك.