ۋنيۆەرسيتەت تۇلەكتەرىنىڭ ءاربىر ءۇشىنشىسى ءوز ماماندىعى بويىنشا جۇمىس ىستەمەيدى - ەسپايەۆا
استانا. KAZINFORM - بۇگىن پارلامەنت ماجىلىسىندە جوعارى ءبىلىمدى كادرلاردى دايارلاۋ تاقىرىبىنا ارنالعان ۇكىمەت ساعاتىندا ءماجىلىس ءتوراعاسىنىڭ ورىنباسارى دانيا ەسپايەۆا ەڭبەك نارىعىنداعى كەمشىلىكتى اتادى.
- قابىلدانىپ جاتقان شارالارعا قاراماستان، جوعارى ءبىلىم بەرۋ جۇيەسىنىڭ الدىندا ءبىرقاتار وزەكتى ماسەلە بار. بىرىنشىدەن، ەڭبەك نارىعىنىڭ قاجەتتىلىكتەرىن ۇزاق مەرزىمدى بولجاۋدىڭ جوقتىعى. ۋنيۆەرسيتەت تۇلەكتەرىنىڭ ءاربىر ءۇشىنشىسى ءوز ماماندىعى بويىنشا جۇمىس ىستەمەيدى. ەڭبەك نارىعىنداعى سۇرانىس مەملەكەتتىك ءبىلىم بەرۋ تاپسىرىسى تۇزەتىلگەننەن الدەقايدا جىلدام وزگەرىپ جاتىر، بۇل ءبىر ماماندىقتار بويىنشا ارتىق دايارلاۋعا، ال باسقالارى بويىنشا تاپشىلىققا اكەلەدى، - دەدى دانيا ەسپايەۆا پارلامەنت ماجىلىسىندە.
وسى ورايدا ول جوعارى ءبىلىم بەرۋ جۇيەسى ەڭبەك نارىعىنىڭ ترانسفورماتسياسىنا ىلەسە الماي وتىرعانىن، ال تۇلەكتەردىڭ قۇزىرەتتەرى جۇمىس بەرۋشىلەردىڭ قازىرگى تالاپتارىنا سايكەس كەلمەي جاتقانىن ايتتى.
بۇدان بۇرىن حابارلانعانداي، 2035 -جىلعا قاراي قازاقستاندا 562 كاسىپ نەمەسە ەڭبەك نارىعىنىڭ %44 ى (شامامەن 4 ميلليون ادام) جاساندى ينتەللەكتىنىڭ ىقپالىمەن وزگەرۋى مۇمكىن.
