نيدەرلاند كورولدىگىنىڭ پرەمەر- ءمينيسترى قازاقستاندىق ستۋدەنتتەرمەن كەزدەستى
استانا. KAZINFORM - نيدەرلاندى كورولدىگىنىڭ پرەمەر- ءمينيسترى مارك ريۋتتە قازاقستانعا جاساعان جۇمىس ساپارى اياسىندا Maqsut Narikbayev University ستۋدەنتتەرىمەن كەزدەسىپ، ولاردىڭ سۇراقتارىنا جاۋاپ بەردى.
ستۋدەنتتەردىڭ ءبىرى پرەمەر-مينيستردەن قازاقستان مەن نيدەرلاندى اراسىنداعى ىنتىماقتاستىقتىڭ پەرسپەكتيۆالىق باعىتتارى تۋرالى سۇرادى.
«ەگەر الەۋەتتى ىنتىماقتاستىق تۋرالى ايتاتىن بولساق، وندا، ارينە، بۇل ەكونوميكامىزدى ءارتاراپتاندىرۋعا، كلاسسيكالىق ەنەرگيا كوزدەرىنەن ءداستۇرلى ەمەس كوزدەرگە كوشۋگە ەرەكشە كوڭىل ءبولىنىپ وتىر. بۇل - قازاقستاندا قۇرىلىستى باستاپ جاتقان Philips جانە Heineken كومپانيالارى تۋرالى»، - دەپ جاۋاپ بەردى مارك ريۋتتە.
ونىڭ ايتۋىنشا، بۇگىندە ەكى ەل اراسىنداعى تالقىلاۋدىڭ ماڭىزدى اسپەكتىسى سۋ رەسۋرستارىن باسقارۋ ماسەلەسى بولىپ تابىلادى.
«قازاقستانعا ءوز تاراپىمىزدان كومەكتەسۋ ءبىز ءۇشىن ۇلكەن مارتەبە. كومىرسۋلار جانە جاسىل تەحنولوگيالار باعىتىندا ءبىز ماروككومەن جانە باسقا ەلدەرمەن، سونىڭ ىشىندە قازاقستانمەن جۇمىس ىستەپ جاتىرمىز»، - دەپ اتاپ ءوتتى نيدەرلاندى پرەمەر- ءمينيسترى.
