نيۋ-يورك ورتالىعىنا كىرۋ بۇدان بىلاي اقىلى بولادى

استانا. KAZINFORM - بۇل باستاما مانحەتتەننىڭ كولىك كوپ جۇرەتىن بولىگىندەگى كەپتەلىستى ازايتۋعا باعىتتالعان، دەپ حابارلايدى ABC7NY.

قالالىق كولىك باسقارماسى (MTA) نەگىزگى تاريفتى 60-شى كوشەدەن وڭتۇستىك باعىتقا قاراي 9 دوللار قۇرايتىن باعدارلامانى ىسكە قوستى.

جاڭا ەرەجەگە سايكەس، ەڭ جوعارى كەزەڭدەگى جول ءجۇرۋ اقىسى جۇمىس كۇندەرى ساعات 05:00-دەن 21:00-گە دەيىن جانە دەمالىس كۇندەرى 09:00-دەن 21:00-گە دەيىن قولدانىلادى. تۇنگى جول اقىسى بارلىق جۇرگىزۋشى ءۇشىن %75 عا تومەندەيدى.

اۆتوكولىكتەر مەن شاعىن كوممەرتسيالىق كولىكتەرگە (سەدان، جول تالعامايتىن كولىكتەر، پيكاپ جانە شاعىن فۋرگوندار) اقى قاربالاس

ۋاقىتتا $9، تۇندە $2,25 بولادى. موتوسيكلدەر ءۇشىن $4,50 جانە تۇندە $1,05. كورسەتىلگەن كولىكتەردەن كۇنىنە ءبىر رەت قانا اقى الىنادى.

شاعىن جۇك كولىكتەرى مەن كەيبىر اۆتوبۋستار كۇندىز 14,40 دوللار، تۇندە 3,60 دوللار تولەيدى. ۇلكەن جۇك كولىكتەرى مەن تۋريستىك اۆتوبۋستار شارىقتاۋ كەزىندە 21,60 دوللار، تۇندە 5,40 دوللار تولەيدى. الايدا، كەيبىر جۇك كولىكتەرى مەن اۆتوبۋستار قالا ورتالىعىندا جول اقىسىن تولەۋدەن بوساتىلادى دەگەن ەسكەرتۋ بار.

جاڭادان سايلانعان پرەزيدەنت دونالد ترامپ قىزمەتىنە كىرىسە سالىسىمەن، گۋبەرناتوردىڭ جوسپارىن توقتاتاتىنىن ايتىپ، كەپتەلىستەردىڭ باعاسىنا اشىق قارسى شىققان بولاتىن.

اۆتور

ەركەجان سماعۇلوۆا