نورۆەگيا تاق مۇراگەرىنىڭ ۇلى قىلمىس جاسادى دەپ ۇستالدى
استانا. KAZINFORM - نورۆەگيا تاق مۇراگەرى مەتتە-ماريتتىڭ ۇلى ماريۋس بورگ حەيبي ەس- ءتۇزسىز بولعان ادامعا زورلىق- زومبىلىق كورسەتتى دەگەن كۇدىكپەن ۇستالدى، دەپ حابارلايدى Kazinform-نىڭ مەنشىكتى ءتىلشىسى.
نورۆەگيا تەلەارناسىنىڭ حابارلاۋىنشا، 27 جاستاعى ماريۋس بورگ حەيبي دۇيسەنبى كۇنى ۇستالعان. وعان قارسىلىق كورسەتۋگە قاۋقارسىز نەمەسە ەس-ءتۇزسىز بولعان ادامعا زورلىق كورسەتتى دەگەن ايىپ تاعىلۋدا. پوليسيا بۇل وقيعا بويىنشا ءالى ناقتى شەشىم قابىلداعان جوق.
بۇعان دەيىن دە نورۆەگيانىڭ تاق مۇراگەرى مەتتە- ءماريتتىڭ ۇلى ماريۋس بورگ حويبيدى پوليتسيا ۇستاعان بولاتىن. ول بۇرىنعى سۇيىكتىسىنە زورلىق- زومبىلىق كورسەتتى، سونىمەن قاتار مۇلكىنە زيان كەلتىردى دەگەن كۇدىككە ىلىنگەن.
كەيىن ماريۋس وسلونىڭ فروگنەر اۋدانىنداعى 26 جاستاعى ايەلدىڭ پاتەرىندە بولعان وقيعاعا تۇسىنىك بەرىپ، ونىڭ الكوگول مەن كوكاين اسەرىنەن جاسالعانىن ايتتى.
