ءماجىلىس سايلاۋى: Nur Otan پارتيالىق تىزىمىنە كىمدەر ەندى
پارتيانىڭ باسپا ءسوز قىزمەتى تاراتقان اقپاراتقا سايكەس، ايماقتىق سايلاۋالدى باعدارلامالارى بەكىتىلىپ، «Nur Otan» XX سەزىنە قاتىسۋ ءۇشىن دەلەگاتتار سايلاندى، دەپ حابارلايدى قازاقپارات.
سونىمەن، داۋىس بەرۋ قورىتىندىسى بويىنشا جامبىل وبلىسىندا تىزىمگە مويىنقۇم اۋداندىق پارتيا فيليالىنىڭ ءتوراعاسى مادەن مۇسايەۆ، اۋماقتىق كاسىپوداقتار بىرلەستىگىنىڭ وكىلى مەيرامبەك تولەپبەرگەن، دەنساۋلىق ساقتاۋ سالاسىنىڭ وكىلدەرى گۇلدارا نۇرىموۆا مەن گۋلام وماروۆ، سونداي- اق مەكتەپ ديرەكتورى سۇلتان وسەربايەۆ ەندى. اقمولا وبلىسىندا پىكىرسايىس قورىتىندىسىنا سايكەس ەڭ كوپ داۋىستى ساندىقتاۋ اۋدانىندا تۇراتىن پارتيا مۇشەسى اسقاربەك ۇيسىمبايەۆ جينادى. ودان 22 داۋىس كەم جيناعان كاسىپكەر پاۆەل بەزۆەربنىي ەكىنشى ورىنعا شىقتى. ۇزدىك ۇشتىككە ءبىلىم سالاسىنىڭ وكىلى ءمادي ەلۋبايەۆ تا كىردى. پاۆلودار وبلىسىندا 4 ورىن ءۇشىن 16 ۇمىتكەر باق سىنادى. پىكىرسايىس قورىتىندىسى بويىنشا جەكە سەكتور وكىلدەرى اناتولي بويچين مەن گۇلنار قايداروۆا، سونداي- اق پارتيانىڭ اۋداندىق فيليالدارىنىڭ وكىلدەرى جانات شۇعايەۆ پەن دانيار ايتىشيەۆ جەڭىمپاز اتاندى.
سولتۇستىك قازاقستان وبلىسىندا ءبىرىنشى ورىندى كاسىپكەر گەننادي زەنچەنكو يەلەندى. ودان كەيىنگى ورىنعا «سولتۇستىك» ا ك ك باسشىسى ەسجان ورازالين جايعاستى. ءۇشىنشى ورىندا - جەكە سەكتور وكىلى دميتري كولودا. اتىراۋ وبلىسىندا دەباتقا 10 ۇمىتكەر قاتىسىپ، ولاردىڭ اراسىنان پارتيالىقتار ۇشەۋىن تاڭدادى. اتاپ ايتقاندا، جەكە سەكتور وكىلدەرى دۇيسەنباي تۇرعانوۆ پەن ءسالىمجان ناقپايەۆ جانە اۋداندىق ءماسليحات حاتشىسى تولقىن بەيسقالي. ال ماڭعىستاۋ وبلىسىندا ەڭ كوپ داۋىس جيناعان كاسىپكەرلىك سالاسىنىڭ وكىلدەرى سامات مۇسابايەۆ، ەدىل جاڭبىرشين جانە وسپان قازاقبايەۆ بولدى.
ايتا كەتەيىك، بۇعان دەيىن ءماجىلىستىڭ پارتيالىق تىزىمىنە ەلوردا، الماتى، شىمكەنت قالالارى مەن 8 وبلىستان كانديداتتار سايلانعان بولاتىن. قورىتىندى ءتىزىم 25 - قاراشادا پارتيانىڭ XX سەزىندە بەكىتىلەدى. بارلىق دەڭگەيدەگى 216 ءماسليحاتقا 6253 ادامنان تۇراتىن پارتيالىق ءتىزىم جاسالىپ ۇلگەردى. ايەلدەردىڭ ۇلەس سانى 22 دەن %34- كە دەيىن، جاستار - 3,5 ەسە، 7 دەن% 24- كە دەيىن ارتتى. قازىرگى قىزمەت ەتىپ وتىرعان ءماسليحاتتاردىڭ قۇرامىمەن سالىستىرعاندا ورتاشا جاسى 7 جاسقا - 51 دەن 44 كە دەيىن جاساردى. پارتيالىق تىزىمدەردىڭ %24 ءىن قىزمەتتەگى دەپۋتاتتار قۇرايدى، ال %76 ءى - جاڭا تۇلعالار. سونىمەن قاتار پارتيا قاتارىنا 42 مىڭنان استام جاڭا مۇشە قوسىلدى. ولاردىڭ 1000 نان استامى پارتياىشىلىك سايلاۋعا قاتىسىپ، ءاربىر 3- ءشىسى «Nur Otan» - نىڭ پارتيالىق تىزىمىنە ەندى. ەلەكتروندى داۋىس بەرۋدىڭ ناتيجەلەرىن جانە كانديداتتار ءتىزىمىن primaries.kz. سايتىنان قاراۋعا بولادى.
