«Nur Otan» وكىلدەرى ەلىمىزدىڭ 17 ءوڭىرىن ارالادى

ءبىر ايعا تاياۋ ۋاقىتتا «Nur Otan» - نىڭ رەسپۋبليكالىق سايلاۋالدى شتابى ەلىمىزدىڭ بارلىق 17 ءوڭىرىن ارالادى.

ءار قالا مەن اۋداندا پارتيا وكىلدەرى جاستارمەن، كاسىپكەرلەرمەن، دارىگەرلەرمەن، مۇعالىمدەرمەن، زەينەتكەرلەرمەن، جۇمىسشىلارمەن، اگرارشىلارمەن، زيالىلارمەن كەزدەسىپ، وزەكتى ماسەلەلەردى تالقىلادى.

بۇگىن رەسپۋبليكالىق سايلاۋالدى شتاب مۇشەلەرى ەلوردا تۇرعىندارىمەن جۇزدەستى.

اتاپ ايتقاندا، «استانا - جاڭا قالا» ە ە ا يندۋستريالدىق پاركى كاسىپورىندارىنىڭ باسشىلارىمەن جانە «Modex Astana» مودۋلدى ءۇي سالۋ زاۋىتىنىڭ ۇجىمىمەن كەزدەستى.

بۇدان كەيىن پارتيا مۇشەلەرى «نازاربايەۆ ۋنيۆەرسيتەت» عالىمدارىمەن جانە «Jas Otan» بەلسەندىلەرىمەن كەزدەسۋ وتكىزدى.