ەنتوني بلينكەن قاقتىعىستار ۋشىعا باستاعاننان بەرى تاياۋ شىعىسقا بەسىنشى رەت بارادى

Блинкен
Фото: Виктор Федюнин/Kazinform

  ا ق ش- تىڭ مەملەكەتتىك حاتشىسى ەنتوني بلينكەن 4-8-اقپاندا تاياۋ شىعىسقا بارادى. بۇل ونىڭ يزرايل-پالەستينا اراسىنداعى شيەلەنىستەر باستالعاننان بەرگى بۇل ەلگە بەسىنشى ساپارى، دەپ جازادى ت ا س س.

ەنتوني بلينكەن ساۋد ارابياسىنا، ەگيپەتكە، كاتارعا، يزرايلگە، سونداي-اق يوردان وزەنىنىڭ باتىس جاعالاۋىنا بارادى. مالىمدەمەدە ا ق ش مەملەكەتتىك حاتشىسى پالەستينانىڭ راديكالدى حاماس ۇيىمى كەپىلگە العانداردى بوساتۋدى، سونداي-اق گازا سەكتورىنا كومەك جەتكىزۋ ءۇشىن گۋمانيتارلىق ءۇزىلىس ورناتۋدى كوزدەيتىن كەلىسىمگە قول جەتكىزۋ ءۇشىن ديپلوماتيالىق كۇش-جىگەردى جالعاستىرۋعا نيەتتى ەكەندىگى اتالىپ ءوتتى.

مەملەكەتتىك حاتشى سونىمەن قاتار تاياۋ شىعىستاعى، اتاپ ايتقاندا يزرايلدىكتەر مەن پالەستينالىقتار ءۇشىن قاۋىپسىزدىكتى قامتاماسىز ەتۋ ماسەلەسىن تالقىلايدى.

ەستەرىڭىزگە سالا كەتەيىك، بلينكەن سوڭعى رەت قاڭتار ايىندا تاياۋ شىعىس ەلدەرىنە، ءارى قاراي افريكاعا ساپار جاسادى.

سوڭعى جاڭالىقتار