نۋتريتسيولوگ يممۋنيتەتكە پايدالى ونىمدەردى اتادى

نۋتريتسيولوگ ولگا پانوۆا Sputnik راديوسىنا بەرگەن سۇحباتىندا يممۋندى جۇيەنى جاقسارتۋ ءۇشىن قانداي ونىمدەر جەۋ كەرەگىن ايتتى.

"سۋىق مەزگىلدە يممۋنيتەت كۇشەيتىلگەن رەجيمدە جۇمىس ىستەيدى جانە ەرەكشە قولداۋدى قاجەت ەتەدى. قورەكتىك زاتتاردىڭ جەتىسپەۋشىلىگى يممۋندىق جۇيەنىڭ تيىمدىلىگىن %50-70 عا تومەندەتۋى مۇمكىن. بۇل جەردە دۇرىس تاماقتانۋ ماڭىزدى"،- دەيدى ديەتولوگ جانە نۋتريتسيولوگ ولگا پانوۆا.

دارىگەر كۇزدە ماۋسىمدىق جەمىستەر مەن كوكونىستەر جەۋگە كەڭەس بەردى.

"مىسالى، كۇنىنە 200 گ اشىعان قىرىققابات جەسەڭىز، ول اعزانى س دارۋمەنىنىڭ كۇندەلىكتى نورماسىنىڭ %70 مەن قامتاماسىز ەتەدى. ال ءبىر ورتاشا اپەلسيندە شامامەن 70 م گ وسى دارۋمەن بار، بۇل ۇسىنىلعان تاۋلىكتىك مولشەردىڭ %80 ىن قۇرايدى"، - دەپ اتاپ ءوتتى ولگا پانوۆا.

اقۋىزدى جەتكىلىكتى مولشەردە الۋ دا ماڭىزدى.

"اقۋىز - يممۋندىق جاسۋشالار ءۇشىن قۇرىلىس ماتەريالى. 100 گ كۇركەتاۋىقتا شامامەن 30 گ جوعارى ساپالى اقۋىز بار. بۇل ەرەسەك ادامنىڭ كۇندەلىكتى قۇنىنىڭ %60 ىن قۇرايدى"، - دەدى ولگا پانوۆا.

ماماننىڭ ايتۋىنشا، تابيعي انتيبيوتيكتەر - سارىمساق پەن پياز كۇزگى راتسيوندا مىندەتتى تۇردە بولۋى كەرەك.

"كوپتەگەن زەرتتەۋگە سايكەس، سارىمساق سىعىندىسى پاتوگەندىك باكتەريالار مەن ۆيرۋستاردىڭ 20 دان استام ءتۇرىنىڭ ءوسۋى مەن كوبەيۋىن تەجەۋگە قابىلەتتى. ال ءبىر ورتاشا پيازدا 20 عا جۋىق ءتۇرلى باكتەرياعا قارسى جانە ۆيرۋسقا قارسى قوسىلىستار بار"، - دەپ اتاپ ءوتتى ولگا پانوۆا.

ول يممۋنيتەت ءۇشىن مىرىشقا باي تاعامدار دا ماڭىزدى ەكەنىن ايتتى. سەبەبى بۇل مينەرال اق قان جاسۋشالارىن وندىرۋگە قاتىسادى.

"جىلى سۋسىندار تۋرالى ۇمىتپاڭىز، بال مەن ليمون قوسىلعان ىستىق شاي ءىشۋ سۋىقتىڭ بەلگىلەرىن ازايتادى جانە ونىڭ ۇزاقتىعىن 2 كۇنگە قىسقارتادى"، - دەپ قورىتىندىلادى نۋتريتسيولوگ.

Massaget.kz