نەتانياحۋ داماسكىدەگى پرەزيدەنت سارايىنىڭ جانىنداعى نىسانعا شابۋىل جاسالعانىن مالىمدەدى
استانا. KAZINFORM - يزرايل پرەمەر-ءمينيسترى بينيامين نەتانياحۋ مەن قورعانىس ءمينيسترى يسراەل كاتس داماسكىدەگى پرەزيدەنتتىك ساراي ماڭىنداعى نىسانعا جاسالعان شابۋىل تۋرالى بىرلەسكەن مالىمدەمە جاسادى، دەپ حابارلايدى تاسس اقپارات اگەنتتىگى.
- بۇل سيريا رەجيمىنە جاسالعان ايقىن بەلگى. ءبىز داماسكىنىڭ وڭتۇستىگىنە اسكەر جىبەرۋگە نەمەسە درۋزدار قاۋىمداستىعىنا ءقاۋىپ توندىرۋگە جول بەرمەيمىز، - دەپ كەلتىردى The Times of Israel مالىمدەمەدەن ءۇزىندىنى.
بۇعان دەيىن سيريادا درۋزدار (ارابتاردىڭ جابىق ەتنوكونفەسسيالىق توبى) مەن ۇكىمەتتى قولدايتىن كۇشتەر اراسىنداعى قاقتىعىستا 14 ادامنىڭ قازا تاپقانى حابارلانعان بولاتىن.
ەسكە سالا كەتسەك، رەسەي داماسكىدەگى جاڭا ۇكىمەتتىڭ رەسەيگە قاشىپ كەتكەن باشار اسادتى ەكستراديتسيالاۋ تۋرالى ءوتىنىشىن قابىلداعان جوق.
اۆتور
زارينا تۋعانبايەۆا
