نەتانياحۋ ءسوز سويلەگەندە ءبىرقاتار ەلدىڭ دەلەگاتسياسى ب ۇ ۇ زالىنان شىعىپ كەتتى

استانا. KAZINFORM - يزرايل پرەمەر-ءمينيسترى بينيامين نەتانياحۋ ءسوز سويلەگەن كەزدە تۇركيا مەن باسقا دا ءبىرقاتار ەلدەردىڭ دەلەگاتسيالارى ب ۇ ۇ باس اسسامبلەياسى زالىنان شىعىپ كەتتى. بۇل تۋرالى انادولى اگەتتىگى جازدى.

نەتانياحۋ ب ۇ ۇ باس اسسامبلەياسىنىڭ 79-سەسسياسىندا سويلەگەن ءسوزىن باستاماس بۇرىن تۇركيانىڭ ب ۇ ۇ- داعى تۇراقتى وكىلى احمەت يىلدىز باستاعان تۇرىك دەلەگاتسياسى وتىرىس زالىنان شىعىپ كەتتى.

يزرايل پرەمەر- مينيسترىنىڭ ءسوز سويلەۋى كەزىندە زال ايتارلىقتاي بوس قالدى. ول مىنبەردە تۇرعاندا ورىنداردان گۋىل ەستىلدى.

حالىقارالىق قىلمىستىق سوت اسكەري قىلمىس جاسادى دەگەن كۇدىكپەن تۇتقىنداۋعا وردەر بەرگەن بەنيامين نەتانياحۋعا ب ۇ ۇ باس اسسامبلەياسىندا ءسوز سويلەۋگە رۇقسات بەرۋ ۇلكەن داۋ-داماي تۋعىزىپ، سىننىڭ استىندا قالدى.

ايتا كەتەيىك، قازاقستان رەسپۋبليكاسى پرەمەر-ءمينيسترىنىڭ ورىنباسارى - سىرتقى ىستەر ءمينيسترى مۇرات نۇرتىلەۋ ب ۇ ۇ باس اسسامبلەياسىنىڭ 79- سەسسياسى شەڭبەرىندە وتكەن بولاشاق سامميتىندە ءسوز سويلەدى.

مينيستر ءوز سوزىندە كوپجاقتى ىنتىماقتاستىقتىڭ، ب ۇ ۇ رەفورماسىنىڭ جانە كليماتتىڭ وزگەرۋى، يادرولىق قاۋىپسىزدىك جانە سيفرلىق ترانسفورماتسيا سياقتى سىن-قاتەرلەردى شەشۋگە باعىتتالعان جاھاندىق كۇش-جىگەردىڭ ماڭىزىن اتاپ ءوتتى.