نەسيەگە ءوتىنىش بەردىڭىز بە: الاياقتار ەندى WhatsApp ارقىلى الداي باستادى
وڭىردە ينتەرنەت- الاياقتاردىڭ WhatsApp مەسسەندجەرىن پايدالانۋ جاعدايلارى جيىلەپ كەتتى، دەپ حابارلايدى Kazinform.

WhatsApp مەسسەنجەرىمەن قوڭىراۋ شالعان الاياقتار ءوزىن بانك قىزمەتكەرىمىن دەپ تانىستىرادى دا، قاۋىپسىزدىك جانە الاياقتىقتىقتان قورعاۋ ءۇشىن اتالعان قوسىمشا پايدالانىلاتىنىنا سەندىرەدى.
ولار ءسىزدىڭ اتىڭىزدان جاسالعان بانك وپەراتسيالارى تۋرالى حابارلايدى.
مىسالى، «ءسىز ونلاين نەسيە الۋعا ءوتىنىش بەردىڭىز بە؟»، «باسقا قالادان كارتا اۋىستىرۋعا ءوتىنىش تىركەلدى»، «ءوتىنىمدى راستايسىز با؟»، «ءسىز كاسپي جانە حالىق بانكىنىڭ كليەنتىسىز بە؟» جانە ت. ب.
«ەگەر سىزگە وسىلاي قوڭىراۋ شالسا، ەشقانداي مالىمەت بەرمەڭىز جانە اڭگىمەنى دەرەۋ توقتاتىڭىز. سەبەبى بانك قىزمەتكەرلەرى جۇمىس قوڭىراۋىنا WhatsApp مەسسەنجەرىن قولدانبايدى. كۇمان تۋىنداعان جاعدايدا قاسكۇنەم بولىپ كورىنەتىن ۇيىمنىڭ رەسمي بايلانىس نومىرىنە قايتا قوڭىراۋ شالىڭىز، سونداي- اق 102 گە حابارلاسىڭىز» دەپ ەسكەرتەدى جەتىسۋ وبلىستىق پوليتسيا دەپارتامەنتى.