ۆەنەسۋەلا ءوزىنىڭ سوڭعى مۇزدىعىنان ايىرىلدى

Венесуэла өзінің соңғы мұздығынан айырылды
Фото: azertag.az

كاراكاس. KAZINFORM - شەتەلدىك ب ا ق كوزدەرىنىڭ حابارلاۋىنشا، وتكەن عاسىردا مەملەكەتتەگى 6 مۇزدىق جويىلىپ كەتكەن. سوڭعىسى، لا كورونا دەپ تە اتالاتىن گۋمبولدت مۇزدىعى ستاتيكالىق مۇز الاڭى رەتىندە تانىلدى، ءبىراق ول دا ەكى گەكتارعا دەيىن قىسقارعان، دەپ جازادى ازەرتادج.

AccuWeather پورتالى كەلتىرگەن زەرتتەۋلەردە مۇزدىقتاردىڭ ەرۋىنە نەگىزگى سەبەپ رەتىندە كليماتتىڭ وزگەرۋىن اتايدى. 2020 -جىلعى زەرتتەۋگە سايكەس، 1952 جانە 2019 -جىلدار ارالىعىندا ۆەنەسۋەلا مۇزدىقتارىنىڭ اۋدانى 98 پايىزعا قىسقاردى. 1998 -جىلى مۇزدىقتاردىڭ شەگىنۋى ەڭ جوعارى دەڭگەيگە جەتتى.

قازىرگى تاڭدا ۆەنەسۋەلا مۇزدىقسىز قالعان الەمدەگى ءبىرىنشى ەلگە اينالدى.

ۆەنەسۋەلا بيلىگى مۇزدىقتاردى ساقتاۋعا تىرىستى. اتاپ ايتقاندا، ولار بۇل ءۇشىن تەرميالىق كورپەلەردى پايدالاندى. الايدا بۇل ناتيجە بەرمەدى، كليماتولوگتار ءتىپتى ەل ۇكىمەتىن قورشاعان ورتانى لاستاعانى ءۇشىن ايىپتادى.

ساراپشىلاردىڭ پىكىرىنشە، 2100 -جىلعا قاراي الەمدەگى مۇزدىقتاردىڭ 20-80 پايىزى جوعالىپ كەتۋى مۇمكىن. بۇل ەكوجۇيەگە دە، ادامدارعا دا اسەرىن تيگىزەدى: تەڭىز دەڭگەيى كوتەرىلەدى، كليمات وزگەرەدى، مادەني مۇرالار زارداپ شەگەدى.

سوڭعى جاڭالىقتار