نۇرلى جول ۆوكزالىندا جايلىلىعى جوعارى ايماق اشىلدى

استانا. KAZINFORM - ۇلتتىق تاسىمالداۋشى «نۇرلى جول» تەمىرجول ۆوكزالىندا جولاۋشىلارعا ارنالعان جاڭا جايلىلىق ايماعىن اشتى. بۇل تۋرالى «جولاۋشىلار تاسىمالى» ا ق باسپا ءسوز قىزمەتى ءمالىم ەتتى.

«Нұрлы жол» вокзалында жайлылығы жоғары аймақ ашылды
Фото: «Жолаушылар тасымалы» АҚ баспасөз қызметі

بۇل جوبا «قازاقستان تەمىر جولى» ۇ ك» ا ق- نىڭ فيليالى - «ماگيسترالدىق جەلى ديرەكتسياسى» جانە «نۇرلى جول» ۆوكزالىنىڭ قولداۋىمەن جۇزەگە اسىرىلدى. جاڭا لاۋندج- ايماق جولاۋشىلارعا پويىزدى كۇتۋ ۋاقىتىن بارىنشا ىڭعايلى وتكىزۋگە جاعداي جاسايدى.

مۇندا قوناقتار تىنىعىپ، ساپار الدىندا قاجەتتى قىزمەتتەردى قولايلى تۇردە پايدالانا الادى. ايماققا كىرۋ قۇنى 2500 تەڭگە، ال بولۋ ۋاقىتى شەكتەۋسىز. ايماقتىڭ سىيىمدىلىعى ءبىر ۋاقىتتا 20-25 ادامدى قۇرايدى. قوناقتار ءۇشىن تەگىن شاي، كوفە، تىسكەباسار، گادجەتتەردى قۋاتتاۋعا ارنالعان پاۋەربانكتەر، جوعارى جىلدامدىقتى Wi-Fi جانە شاعىن كىتاپحانا قاراستىرىلعان. سونداي- اق، جولاۋشىلاردىڭ ىڭعايى ءۇشىن جەكە اجەتحانا بولمەسە قولجەتىمدى. لاۋندج- ايماقتا پويىزداردىڭ كەلۋ جانە جونەلتىلۋ ۋاقىتىن باقىلاۋعا ارنالعان ارنايى تابلو ورناتىلعان، بۇل جولاۋشىلارعا ءوز ساپار ۋاقىتىن قاداعالاۋعا مۇمكىندىك بەرەدى.

«Нұрлы жол» вокзалында жайлылығы жоғары аймақ ашылды
Фото: «Жолаушылар тасымалы» АҚ баспасөз қызметі

وتباسىلار ءۇشىن ارنايى بالالار ويىن الاڭى قاراستىرىلعان، وندا كىشكەنتايلار ۋاقىتتارىن كوڭىلدى ءارى پايدالى وتكىزە الادى. سونىمەن قاتار، ايماققا كىرۋ قۇنىنا باگاجدى ساقتاۋ قىزمەتى دە قوسىلعان.

«Нұрлы жол» вокзалында жайлылығы жоғары аймақ ашылды
Фото: «Жолаушылар тасымалы» АҚ баспасөз қызметі

ايتا كەتەيىك، «نۇرلى جول» ۆوكزالى كۇن سايىن شامامەن 7 مىڭ جولاۋشىعا قىزمەت كورسەتەدى. جاڭا لاۋندج- ايماق بارلىق جولاۋشىلار ساناتىنا قولايلى جاعداي جاساپ، پويىز كۇتۋ ۋاقىتىن بارىنشا جايلى ءارى جاعىمدى ەتۋگە ارنالعان. ۇلتتىق تاسىمالداۋشى جولاۋشىلارعا جايلىلىق ايماعىنىڭ بارلىق مۇمكىندىكتەرىن پايدالانۋ ءۇشىن ۆوكزالعا الدىن الا كەلۋگە كەڭەس بەرەدى.

«Нұрлы жол» вокзалында жайлылығы жоғары аймақ ашылды
Фото: «Жолаушылар тасымалы» АҚ баспасөз қызметі
سوڭعى جاڭالىقتار