نۇرلان يمام كاپيتوليدە ءبىرقاتار كەزدەسۋلەر مەن رەسمي قابىلداۋلارعا قاتىستى
ۆاشينگتون. KAZINFORM - قازاقستاننىڭ اتىنان ا ق ش-قا - اق ءۇيدىڭ قايىرىمدىلىق اسىنا اتتانعان نۇرلان بايجىگىت ۇلى كاپيتوليدە ءبىرقاتار كەزدەسۋلەر مەن رەسمي قابىلداۋلارعا قاتىستى.
استانا قالاسىنداعى ىرىسكەلدى مەشىتىنىڭ باس يمامى ءارى Jibek joly ارناسىنىڭ تەلەجۇرگىزۋشىسىن بەلگىلى قوعام قايراتكەرلەرى، تانىمال ازاماتتار، بيزنەس وكىلدەرى، الەمدىك ءدىن قىزمەتكەرلەرىمەن بىرگە ا ق ش كونگرەسمەنى روبەرت براۋن ادەرحولت قابىلدادى.
سونىمەن قاتار ولار ميچيگان شتاتىنانان سايلانعان كونگرەسمەن، ساياساتكەر دجون مۋلينارمەن، تانىمال ساياساتكەر سەمم باۋندبەكپەن، ا ق ش پرەزيدەنتىنىڭ الەمدىك كوشى- قون بويىنشا ارنايى وكىلەتتى ەلشىسى دجون ريچمەندپەن، ليۆاندىق ساياساتكەر، پرەزيدەنتتىككە ۇمىتكەر نيمان فرەممەن جەكە-جەكە جۇزدەسىپ، سۇقباتتاستى.
«مەن مۇندا وتانىمىزداعى ءدىني ەركىندىك، تەڭدىلىك، ادام قۇقىقتارىنىڭ ساقتالۋى، تولەرانتتىق تۋرالى كەڭ تارقاتىپ ايتتىم. ەرتەڭ مۇحيتتىڭ ارعى جاعىنداعى قازاقستاندىقتارمەن كەزدەسەتىن بولامىن»، - دەدى نۇرلان يمام.
