نۇرلان اتىعايەۆ قالا تۇرعىندارىنا جەر سىلكىنىسى تۋرالى نەلىكتەن حابارلاما كەلمەگەنىن ايتتى

الماتى. KAZINFORM - الماتى قالالىق توتەنشە جاعدايلار دەپارتامەنتىنىڭ باسشىسى نۇرلان اتىعايەۆ قالا تۇرعىندارى مەن قوناقتارىنا جەر سىلكىنىسى تۋرالى نەلىكتەن SMS حابارلاما كەلمەگەنىن ايتتى.

دەپارتامەنت باسشىسىنىڭ سوزىنشە، تاجىريبە كورسەتكەندەي، SMS حابارلامالاردى جەدەل جىبەرگەندە، بۇل دەرەكتەر قالا تۇرعىندارىنا كەش جەتەدى. بۇل حالىق تىعىزدىعىمەن بايلانىستى.

«ۇيالى بايلانىس وپەراتورلارىنىڭ اقپاراتتى وڭدەۋگە ۋاقىتى جوق، سايكەسىنشە جەدەل اقپارات كەش كەلەدى»، - دەيدى نۇرلان اتىعايەۆ.

 

اۆتور
الما مۇقانوۆا