نۇرجان تۇرسىنحانوۆ قارجى نارىعىن رەتتەۋ اگەنتتىگى ءتوراعاسىنىڭ ورىنباسارى بولىپ تاعايىندالدى

استانا. KAZINFORM - مەملەكەت باسشىسى قاسىم-جومارت توقايەۆتىڭ وكىمىمەن نۇرجان اسقار ۇلى تۇرسىنحانوۆ جاڭا قىزمەتكە تاعايىندالدى. بۇل تۋرالى اقوردا ءمالىم ەتتى.

- مەملەكەت باسشىسىنىڭ وكىمىمەن نۇرجان اسقار ۇلى تۇرسىنحانوۆ قازاقستان رەسپۋبليكاسىنىڭ قارجى نارىعىن رەتتەۋ جانە دامىتۋ اگەنتتىگى ءتوراعاسىنىڭ ورىنباسارى لاۋازىمىنا تاعايىندالدى، - دەلىنگەن حابارلامادا.

2020 -جىلى نازاربايەۆ ۋنيۆەرسيتەت، «executive MBA» باسشىلارىنا ارنالعان ىسكەرلىك اكىمشىلىك ماگيسترى.

2003 -جىلى نوتتينگەم ۋنيۆەرسيتەتى، ەكونوميكا عىلىمدارىنىڭ باكالاۆرى.

كاسىبي تاجىريبەسى:

2020 -جىلدان باستاپ «قازاقستان ۇلتتىق بانكىنىڭ ۇلتتىق ينۆەستيتسيالىق كورپوراتسياسى» ا ق ديرەكتورلار كەڭەسىنىڭ مۇشەسى بولىپ تابىلادى.

2019 ج - قازىرگى ۋاقىتقا دەيىن مونەتارلىق وپەراتسيالار دەپارتامەنتىنىڭ ديرەكتورى، قازاقستان رەسپۋبليكاسى ۇلتتىق بانكى.

2015 -2019 ج ج قازاقستان رەسپۋبليكاسى ۇلتتىق بانكى، مونەتارلىق وپەراتسيالار دەپارتامەنتىندە باسشىلىق قىزمەتتەرىن اتقاردى.

2015 - ءتوراعانىڭ ورىنباسارى، «الماتى» الەۋمەتتىك- كاسىپكەرلىك كورپوراتسياسى» ۇ ك» ا ق.

2012 - 2015 ج ج - باسقارما ءتوراعاسىنىڭ ورىنباسارى، «قازاقستان ۇلتتىق بانكىنىڭ ۇلتتىق ينۆەستيتسيالىق كورپوراتسياسى» ا ق.

2004 - 2012 ج ج - قازاقستان رەسپۋبليكاسى ۇلتتىق بانكى، مونەتارلىق وپەراتسيالار دەپارتامەنتىندە ءتۇرلى لاۋازىمداردى اتقاردى.

2003 - 2004 ج ج - قازىناشىلىق دەپارتامەنتىنىڭ ترەيدەرى، «HSBC بانك قازاقستان» ە ب ا ق.

ايتا كەتەيىك، پرەزيدەنت بانك جانە قارجى نارىعىن رەتتەۋ تۋرالى ەكى زاڭعا قول قويدى.