نۇرداۋلەت قيلىباي ماڭعىستاۋ وبلىسىنىڭ اكىمى بولىپ تاعايىندالدى
اقتاۋ. KAZINFORM – ق ر پرەزيدەنتىنىڭ جارلىعىمەن نۇرداۋلەت يگىلىك ۇلى قيلىباي ماڭعىستاۋ وبلىسىنىڭ اكىمى بولىپ تاعايىندالدى.
نۇرداۋلەت قيلىباي 1978 -جىلى ماڭعىستاۋ وبلىسى بەينەۋ اۋدانىندا دۇنيەگە كەلگەن.
ءبىلىمى جوعارى. «تاسىمالداۋدى ۇيىمداستىرۋ جونىندەگى ينجەنەر»، «قارجى جانە قارجى قۇقىعى» مامانى. 2018 -جىلى ا ق ش- تىڭ بوستون قالاسىندا Stafford House حالىقارالىق مەكتەبىندە ءبىلىم العان.
ەڭبەك جولىن 1999 -جىلى ماڭعىستاۋ تاسىمالداۋ بولىمشەسى ستانتسياسىنىڭ كەزەكشىسى قىزمەتىنەن باستاعان. كەيىن استانا ستانتسياسىندا كىرمە جولدارى بويىنشا جۇكتەردى قابىلداپ- تاپسىرۋشى، «ق ت ج» ۇ ك» اكسيونەرلىك قوعامىنىنىڭ باس مامانى، ءبولىم باستىعى، ماگيسترالدى جەلىلەر ديرەكتسياسى باسقارۋشىسىنىڭ كومەكشىسى قىزمەتتەرىندە بولدى.
2005-2009 -جىلدار ارالىعىندا قازاقستان رەسپۋبليكاسى كولىك جانە كوممۋنيكاتسيالار مينيسترلىگى كولىك جانە قاتىناس جولدارى كوميتەتىنىڭ ءبولىم باستىعى، باسقارما باستىعى، ءتوراعانىڭ ورىنباسارى قىزمەتىن اتقارعان.
2009-2010 -جىلدارى «ۆوكزال- سەرۆيس» ا ق پرەزيدەنتى، «ق ت ج» ۇ ك» ا ق جولاۋشىلاردى تاسىمالداۋ جونىندەگى باسقارۋشى ديرەكتورى بولدى.
2010-2011 -جىلدارى قازاقستان رەسپۋبليكاسى كولىك جانە كوممۋنيكاتسيالار مينيسترلىگى كولىك جانە قاتىناس جولدارى كوميتەتىنىڭ ءتوراعاسى قىزمەتىن اتقاردى.
2011-2012 -جىلدار ارالىعىندا «ق ت ج» ۇ ك» ا ق پرەزيدەنتىنىڭ كەڭەسشىسى، كەيىن وسى اكسيونەرلىك قوعامنىڭ ماڭعىستاۋ جولدارى بولىمشەسى فيليالىنىڭ ديرەكتورى بولدى.
2012-2013 -جىلدارى قازاقستان رەسپۋبليكاسى كولىك جانە كوممۋنيكاتسيالار مينيسترلىگى كولىك جانە قاتىناس جولدارى كوميتەتىنىڭ ءتوراعاسى قىزمەتىندە بولدى.
2013-2017 -جىلدارى «ق ت ج» ۇ ك» ا ق اپپارات باسشىسى - اتقارۋشى ديرەكتورى، «ق ت ج» ۇ ك» ا ق اتقارۋشى ديرەكتورى - «جولاۋشىلار تاسىمالداۋ» ا ق پرەزيدەنتى، «تەمىرجولسۋ» ا ق باس ديرەكتورى - باسقارما ءتوراعاسى قىزمەتىن اتقاردى.
2018-2020 -جىلدارى - ماڭعىستاۋ وبلىسى اكىمىنىڭ ورىنباسارى.
2020 -جىلدىڭ ماۋسىم ايىنان باستاپ اقتاۋ قالاسىنىڭ اكىمى لاۋازىمىندا بولدى.
2022 -جىلدىڭ قازان ايىنان بۇگىنگە دەيىن ماڭعىستاۋ وبلىسى اكىمىنىڭ ورىنباسارى قىزمەتىن اتقاردى.
2023 -جىلعى 25-قاڭتاردا «وزەنمۇنايگاز» ا ق باس ديرەكتورى بولىپ تاعايىندالدى.
