نۇرعيسا تىلەنديەۆتىڭ 100 جىلدىعىنا وراي حالىقارالىق «ءالقيسسا» ونلاين دومبىرا بايقاۋى وتەدى

استانا. KAZINFORM - اتاقتى كۇيشى، كومپوزيتور، حالىق قاھارمانى نۇرعيسا تىلەنديەۆتىڭ 100 جىلدىعىنا وراي حالىقارالىق «ءالقيسسا» ونلاين دومبىرا بايقاۋى وتەدى. بۇل تۋرالى «وتانداستار قورى» ك ە ا ق ءمالىم ەتتى.

. دومبىرا بايقاۋىن «وتانداستار قورى» ك ە ا ق پەن جامبىل اتىنداعى قازاق مەملەكەتتىك اكادەميالىق فيلارمونياسى ۇيىمداستىرماق.

ءوتىنىم قابىلداۋ 1-اقپان مەن 20-ناۋرىز ارالىعىندا جۇرەدى. ال، قازىلار القاسىنىڭ قاراۋى 21 - 26 - ناۋرىزدا جۇزەگە اسسا، جەڭىمپازداردى ماراپاتتاۋ سالتاناتى 1-ءساۋىر كۇنى استانا قالاسىندا وتەدى.

قاتىسۋ شارتتارى:

- جاس ساناتى: 12-17 جاس جانە 18-25 جاس؛

- ن. تىلەنديەۆتىڭ كۇيلەرىنىڭ ءبىرىن ورىنداپ، بەينەجازبا جولداۋ؛

- بەينەجازبامەن قوسا قاتىسۋشى ءوزى تۋرالى قىسقاشا اقپارات پەن شەتەلدىك ازامات ەكەنىن راستايتىن ءتول قۇجاتىن جولدايدى.

وتىنىمدەر [email protected] نەمەسە [phone] (Telegram) ارقىلى قابىلدانادى.

بەينەجازباعا قويىلاتىن تالاپتار:

1. ۇزاقتىعى 1 مينۋتتان كەم ەمەس، 5 مينۋتتان كوپ ەمەس.

1. كۇي باستالماس بۇرىن:

- امانداسۋ؛

- اتى-ءجونى، جاسى جانە تۇراتىن ەلى تۋرالى ايتۋ؛

- ورىندايتىن كۇيىنىڭ اتىن ايتۋى قاجەت.

3. بەينە مەن دىبىس ساپاسى جاقسى بولۋى ءتيىس.

4. كيىم ۇلگىسى: قازاقشا.

5. قاتىسۋشى ءوز بەينەجازباسىنىڭ الەۋمەتتىك جەلىلەردە جاريالانۋىنا كەلىسىم بەرەدى.

ورىنداۋعا بولاتىن كۇيلەر: «التىن ءدان»، «اتا تولعاۋى»، «اڭساۋ»، «تەمىربەكتىڭ توكپەسى»، «ءالقيسسا»، «بالاميشكا»، «اققۋ»، «كوڭىلدى بيكەش»، «تەرىس قاقپاي»، «ارمان» جانە ن. تىلەنديەۆتىڭ نۇسقاسىنداعى حالىق كۇيى «اقساق قۇلان».

سىيلىقتار:

- 18-25 جاس ساناتى بويىنشا

گران- پري: 400000 تەڭگە، دومبىرا، كىتاپ

1-ورىن: 250000 تەڭگە، دومبىرا، كىتاپ

2-ورىن: 100000 تەڭگە، دومبىرا، كىتاپ، شاپان

3-ورىن: دومبىرا، كىتاپ، توعىزققۇمالاق

- 12-17 جاس ساناتى بويىنشا

1-ورىن:نوۋتبۋك

2-ورىن: پلانشەت

3-ورىن: سمارتساعات

ۇزدىك-10 قاتىسۋشىعا «جاس قازاق» ەتنو-لاگەرىنە تەگىن جولداما.