نۇرسۇلتان نازاربايەۆ اۋەجايىندا NQZ ارىپتەرى ورناتىلدى
ۆەدومستۆو تاراتقان مالىمەتكە ساي، 2014 -جىلدان باستاپ قازاقستان حالىقارالىق اۋە كولىگى قاۋىمداستىعى (IATA) تاعايىنداعان نۇر-سۇلتان اۋەجايىنىڭ ءۇش ارىپتىك كودىن وزگەرتۋ بويىنشا جۇمىس جۇرگىزىلگەن.
بۇكىل الەم بويىنشا اۋەجايلارعا ءبىر رەت جانە تۇراقتى نەگىزدە كود بەرۋ جونىندەگى IATA قاعيدالارىنا قاراماستان، قازاقستاندىق تاراپ ءوز ماقساتىنا قول جەتكىزدى. «IATA وكىلدەرىمەن بىرلەسىپ اۋەجايلاردىڭ كودتارىن تاعايىنداۋ جانە وزگەرتۋ بويىنشا IATA تاسىلدەرىنە وزگەرىس ەنگىزۋ تۋرالى شەشىم قابىلداندى. بۇل وزگەرىستەر 2019 -جىلدىڭ 14-قازانىندا ۆارشاۆا قالاسىندا (پولشا) IATA- نىڭ بارلىق مۇشەلەرىنىڭ قاتىسۋىمەن جولاۋشىلار تاسىمالى ستاندارتتارى (Passenger Standards Meeting) كەزدەسۋىندە قولداۋ تاپتى» دەپ حابارلادى ۆەدومستۆو.
وسى كەلىسىمگە ساي، 2020 -جىلدىڭ 8-ماۋسىمىنان باستاپ نۇرسۇلتان نازاربايەۆ حالىقارالىق اۋەجايىنا NQZ جاڭا كودى بەرىلدى، ول بارلىق برونداۋ جۇيەلەرىندە، وتىرعىزۋ تالوندارىندا، باگاج بيركالارىندا جانە اقپاراتتىق تابلودا كورسەتىلەتىن بولادى.
