ۇنەمدەلگەن قارجىدان مەملەكەتتىك قىزمەتشىلەرگە سىياقى بەرۋگە تىيىم سالىندى
استانا. KAZINFORM - قازاقستاندا مەملەكەتتىك قىزمەتشىلەرگە ۇنەمدەلگەن بيۋجەت قارجىسى سىياقى تۇرىندە بەرىلمەيدى. بۇل تۋرالى قارجى ءمينيسترى ءمادي تاكيەۆ ءمالىم ەتتى.
«وسى ماسەلەنى ءبىرازدان بەرى ايتقىم كەلىپ جۇرگەن. ءبىز قازىناشىلىق تاراپىنان قارجى مينيسترلىگىنە سىياقى رەتىندە شوتتار ىشىندەگى قاراجاتتى اۋدارۋعا تىيىم سالدىق. ەگەر مەملەكەتتىك ورگانداردا قارجى ۇنەمدەلسە، ونى سىياقىعا اۋدارا المايدى»، - دەپ جاۋاپ بەردى ءمادي تاكيەۆ ءماجىلىستىڭ جالپى وتىرىسىنان كەيىن ب ا ق وكىلدەرىنىڭ ساۋالىنا جاۋاپ بەرە تۇرىپ.
ءمينيستردىڭ ايتۋىنشا، ۇنەمدەلگەن قارجى بيۋجەتكە قايتارىلادى.
«ءبىز سىياقى تۇرىندە اۋدارۋعا بولاتىن 112-كودتى جاۋىپ تاستادىق»، - دەپ تولىقتىردى م. تاكيەۆ.
ايتا كەتەيىك، ۇكىمەت ۇلتتىق قور اكتيۆتەرىن 100 ميلليارد دوللارعا ۇلعايتۋدى جوسپارلاپ وتىر.
