نەلىكتەن كۇزدە جانە قىستا باس ءجيى اۋىرادى؟
استانا. KAZINFORM - كوپشىلىك ادامنىڭ كۇزدە جانە قىستا باسى ءجيى اۋىرادى. ونىڭ سەبەبى نەدە؟ نيەۆرولوگ ەكاتەرينا دەميانوۆسكايا ءتۇسىندىردى، - دەپ حابارلايدى Massaget.kz ءتىلشىسى Life.ru-گە سىلتەمە جاساپ.
كۇندىزگى جارىقتىڭ ازايۋى
دارىگەر كۇزدە جانە قىستا بولاتىن تەمپەراتۋرالار وزگەرىسىنەن، اتموسفەرالىق قىسىمنان جانە كۇندىزگى جارىقتىڭ قىسقارۋىنان ادامداردىڭ باسى اۋرۋى مۇمكىن. ونىڭ ايتۋىنشا، بۇل اسىرەسە اۋا رايىنا تاۋەلدى ادامداردا بايقالادى.
دارىگەر بۇل فاكتورلار ۆەگەتاتيۆتى جۇيكە جۇيەسىنە اسەر ەتەتىنىن ايتتى، ول تەك باس اۋرۋىنا عانا ەمەس، سونىمەن قاتار بۋىنداردىڭ جانە ءتىپتى جۇرەكتىڭ اۋىرسىنۋىنا اكەلەدى. وعان باس ساقيناسى جانە كلاستەرلىك باس اۋرۋى بار ادامدار بەيىم كەلەدى.
باس كيىمسىز ءجۇرۋ
سۋىق مەزگىلدە باس كيىمنەن باس تارتۋ دا باس اۋرۋىن تۋدىرۋى مۇمكىن.
«سەبەبى تومەن تەمپەراتۋرا باس بۇلشىقەتتەرىنە كۇش ءتۇسىرۋى جانە سايكەسىنشە ونىڭ اۋىرسىنۋىنا اكەلەدى. سونىمەن قاتار توڭىپ قالۋ، قابىنۋ مەن نەيروينفەكتسيالارعا اكەلۋى مۇمكىن، سوندىقتان 5+ گرادۋستان تومەن تەمپەراتۋرادا باس كيىم كيىپ ءجۇرۋ كەرەك»، - دەيدى دارىگەر.
باس اۋىرسا نە ىستەۋ كەرەك؟
نيەۆرولوگ كۇزدىڭ نەمەسە قىستىڭ كەلۋىمەن باس اۋىرماس ءۇشىن اعزانى شىنىقتىرۋ ماڭىزدى ەكەنىن اتاپ ءوتتى.
«باسىڭىز اۋىرعان كەزدە قاراما- قارسى دۋش قابىلداڭىز، اياقتى جىلى سۋعا سالىڭىز، قاراڭعى جانە سۋىقتاۋ بولمەدە ۇيىقتاڭىز. سونداي- اق باس اۋىرعاندا جاتتىعۋ جاساعان پايدالى، ءتىپتى جەڭىل گيمناستيكانىڭ ءوزى حال- جاعدايىڭىزدى جاقسارتادى»، - دەيدى ەكاتەرينا دەميانوۆسكايا.
