نەلىكتەن ايفون يەلەرى جەر سىلكىنىسى تۋرالى حابارلاما العان جوق
الماتى. KAZINFORM -قىرعىز رەسپۋبليكاسى مينيسترلەر كابينەتى ءتوراعاسىنىڭ ءبىرىنشى ورىنباسارى ادىلبەك قاسىماليەۆ «Digital Almaty: Industry X» حالىقارىلىق فورۋمىندا iPhone يەلەرى نەلىكتەن جەر سىلكىنىسى تۋرالى ەسكەرتۋ الماعانىن ءتۇسىندىردى.
ادىلبەك قاسىماليەۆتىڭ سوزىنشە، قىرعىزستاننىڭ ەكونوميكالىق بەلسەندى حالقىنىڭ 80 پايىزى سيفرلىق قۇجاتتارمەن قامتاماسىز ەتىلگەن.
«جاقىندا بولعان جەر سىلكىنىسى كەزىندە تەلەفون الىپ كوشەگە شىققان كوپتەگەن ازاماتتارىمىزعا قاجەتتى قۇجاتتارى تۇگەلدەي قامتاماسىز ەتىلدى. بۇل كۇتپەگەن جەردەن تابيعي اپاتتاردان ساقتاندىرۋدىڭ ءبىر تۇرىنە اينالدى. ءبىر قىزىعى، Android سمارتفوندارىندا جەر سىلكىنىسى تۋرالى ەسكەرتۋ وقيعادان ءبىر مينۋت بۇرىن كەلگەن. وسى ۋاقىت ادامداردىڭ دالاعا قاشىپ شىعۋىنا جەتكىلىكتى بولدى. نەلىكتەن iPhone تەلەفوندارىنا حابارلاندىرۋ كەلمەدى؟ مەندە دە iPhone. ءبىز ونى انىقتادىق. Apple ءبىزدىڭ ەلدەردى اپاتتى ەسكەرتۋ قىزمەتىنە قولجەتىمدى ەلدەر تىزىمىنە قوسپاعانى بەلگىلى بولدى. بۇل قاراپايىم فۋنكتسيا سياقتى كورىنەدى، ءبىراق ول ادامداردىڭ ءومىرىن ساقتاپ قالۋى مۇمكىن»،- دەدى ادىلبەك قاسىماليەۆ.
ول ە ا ە و ەلدەرىنە ەڭ الدىمەن Apple, Google جانە Microsoft سياقتى تەحنولوگيالىق كومپانيالارمەن ديالوگ قاجەت ەكەنىن ايتتى.
ونىڭ پىكىرىنشە، تەحنولوگيالىق كومپانيالار مەملەكەتتەر مەن ۇكىمەتتەردىڭ سەرىكتەستەرى بولۋى كەرەك جانە ورتاق يگىلىككە جۇمىس ىستەگەندەرى ءجون.
ەسكە سالايىق، الماتىدا ەۋرازيالىق ۇكىمەتارالىق كەڭەس مۇشەلەرىنىڭ پلەنارلىق وتىرىسى ءوتىپ جاتىر.
