ءوز بەتىمەن اعىلشىن ءتىلىن مەڭگەرگەن ماڭعىستاۋلىق وقۋشى «New York» ۋنيۆەرسيتەتىنىڭ گرانتىن جەڭىپ الدى

اقتاۋ. قازاقپارات - تۇشىقۇدىق اۋىلىنىڭ تۋماسى داريعا بولاتباي ابۋ-دابيدەگى «New York» ۋنيۆەرسيتەتىنىڭ ءبىلىم گرانتىن جەڭىپ الدى، دەپ حابارلايدى قازاقپارات ءتىلشىسى.

ابۋ-دابيدەگى New York ۋنيۆەرسيتەتىنە الەم بويىنشا اعىلشىن ءتىلىن جەتىك بىلەتىن ستۋدەنتتەردىڭ 4 پايىزى عانا وقۋعا جولداما الادى ەكەن.

بيىل 100 مىڭنان استام وقۋشى قۇجات تاپسىرعان بولسا، سونىڭ 500 ءى وقۋعا قابىلدانعان.

سولاردىڭ ءبىرى - تۇشىقۇدىق اۋىلىنىڭ تۋماسى داريعا بولاتباي.

«ت م د بويىنشا ەڭ تانىمال وقۋ ورىندارىنىڭ ءبىرى سانالاتىن ۋنيۆەرسيتەت تۋرالى 10-سىنىپ وقىپ جۇرگەندە ەستىدىم. ابۋ-دابيدەگى «New York» ۋنيۆەرسيتەتى ا ق ش- تاعى «New York» زەرتتەۋ ۋنيۆەرسيتەتىنىڭ ءبىر ءبولىمى ەكەن. شىنىمدى ايتسام، شەت مەملەكەتكە وقۋعا تۇسەمىن دەپ مۇلدەم ويلامادىم. دەگەنمەن باعىمدى سىناپ كوردىم. مۇنداعى ەڭ باستى تالاپ ەسسە جازۋ. ءبىرى ءومىربايانىڭدى، ەندى ەكىنشىسى «سەن نەگە وسى ۋنيەرسيتەتتى تاڭدايسىڭ؟» دەگەن تاقىرىپتا بولدى.

سول ەسسە مەنىڭ گرانتقا تۇسۋىمە كوپ اسەر ەتتى. كارانتين ۋاقىتىنداعى قيىندىققا قاراماستان ونلاين تىلدەسۋ سۇحباتىنان دا ءساتتى ءوتتىم. بىرنەشە كۇننەن كەيىن وقۋعا شاقىرتۋ كەلدى»، - دەدى داريعا بولاتباي.

داريعا بولاتباي العاشىندا تۇشىقۇدىق اۋىلىنداعى س. جاڭعابىلوۆ مەكتەبىندە وقىعان. كەيىن اقتاۋداعى نازاربايەۆ زياتكەرلىك ءبىلىم ورداسىنا ءتۇسىپ، بيىل 12 سىنىپتى ۇزدىك اياقتادى.

ورىس، اعىلشىن تىلدەرىن تەرەڭ مەڭگەرە وتىرىپ، مەكتەپتىڭ قوعامدىق جۇمىستارىندا بەلسەندىلىك تانىتقان.

«7- سىنىپتا نازاربايەۆ زياتكەرلىك مەكتەبىنە وقۋعا ءتۇستىم. باستاپقىدا ورىس، اعىلشىن ءتىلىن مۇلدەم بىلمەدىم. اعىلشىن ءتىلىن مەڭگەرتەتىن كۋرستارعا قاتىسپاي-اق ءوز بەتىمشە ۇيرەنۋگە بەل بۋدىم. مەكتەپ ومىرىنە بەلسەندى ارالاسىپ، عىلىمي جوبالارعا قاتىسا باستادىم. ءار وبلىستا وتەتىن ءبىلىم سايىستارىنا بارىپ، فرانسياداعى حالىقارالىق عىلىمي جوباعا جولداما الدىم. ءبىلىمنىڭ تاسىن قالاعان تۇشىقۇدىق اۋىلىمداعى س. جاڭعابىلوۆ مەكتەبى بولسا، نازاربايەۆ مەكتەبى ارمانىڭا قول جەتكىزۋ ءوز قولىڭدا ەكەنىن ۇيرەتتى»، - دەدى داريعا بولاتباي. داريعا بولاتباي بىرنەشە رەت وبلىستىق، رەسپۋبليكالىق ءبىلىم بايگەلەرىندە جۇلدەگەر اتانعان.

«جانىڭدا ءجۇر جاقسى ادام» اتتى الەۋمەتتىك جوبانى جۇزەگە اسىرعان. ەلباسى مەدالىنىڭ قولا، رەسپۋبليكالىق وليمپيادانىڭ كۇمىس جۇلدەگەرى. ال بيىل «جىل وقۋشىسى-2021» اتالىمى داريعا بولاتبايعا بۇيىردى.

ول بولاشاقتا بىلىكتى دارىگەر اتانىپ، قازاق ەلىنىڭ مەديتسينا سالاسىنا تىڭ جاڭالىق اكەلۋدى ارماندايدى.