ەندى تەلەفون سينحروندى اۋدارماشى بولىپ كومەكتەسەدى

ەندى تەلەفون سينحروندى اۋدارماشى بولىپ كومەكتەسەدى
فوتو play.google.com سايتىنان الىندى

بۇگىنگە دەيىن ەكى تىلدە سويلەيتىن، ءبىرىن-ءبىرى تۇسىنبەيتىن ادامدارعا اۋدارماشى كەرەك بولدى. ەندى اۋدارماشىنىڭ ورنىنا تەلەفوندى قولدانۋعا بولادى. بۇل ادامدار اراسىنداعى كوممۋنيكاتسيانى مۇلدەم باسقا دەڭگەيگە شىعارادى.

تەحنولوگيالىق جاڭالىقتار پلاتفورماسى gizmodo.com سايتى Google Translate-تى ناقتى رەجيمدە اۋدارماشى رەتىندە پايدالانۋعا بولاتىنىن جازدى. Aikyn.kz وسى ماقالاعا سىلتەمە جاساي وتىرىپ، تەلەفوندا اۋدارماشى فۋنكسياسىن قولدانۋ تاسىلدەرىن تۇسىندىردى.

аударма
فوتو inosmi.ru سايتىنان الىندى. اۆتورى: Thomas Samson, AFP

كۇندەلىكتى قولداناتىن سمارتفوندا ونداعان قولدانبالار ورناتىلعان جانە كۇن سايىن ولاردىڭ مۇمكىندىكتەرى جەتىلدىرىلىپ وتىرادى. ولاردى قاداعالاۋ دا وڭاي ەمەس. مىسالى، Android نەمەسە iOS جۇيەلەرىنە ارنالعان Google Translate قولدانباسىنا ناقتى رەجيمدە داۋىستى اۋدارۋ مۇمكىندىگى قوسىلدى.

بۇرىن اعىلشىن نەمەسە حيندي، يسپان تىلدەرىن بىلمەيتىن، تۇسىنبەيتىن اداممەن سويلەسۋ مۇمكىن ەمەس ەدى. نەمەسە ءماتىندى تەرىپ، ونى اۋدارتىپ، سۇحباتتاسىپ جاتقان ادامعا وقىتۋ كەرەك بولدى. ەندى وسىنىڭ ءبارى جەڭىلدەدى. سينحروندى اۋدارما وپتسياسى ەكى ادام سويلەسىپ تۇرعاندا ولاردىڭ سوزدەرىن ءبىر-بىرىنە اۋدارىپ بەرەتىن كەرەمەت مۇمكىندىك. بۇل وپتسيادا تىلدەردى دە وزگەرتۋگە بولادى، قازىرشە وپتسيا 8 ءتىلدى قولدايدى.

جاڭا فۋنكسيا Google كوپتەگەن جىلدار بويى دامىتىپ كەلە جاتقان سمارت AI تەحنولوگياسىنا نەگىزدەلگەن. بۇل فۋنكسيا ءار تىلدە سويلەيتىن ادامداردىڭ ءبىرىن-ءبىرى دۇرىس تۇسىنۋىنە جاقسى كومەكشى. اۋەجاي مەن ۆوكزالعا، وتەلگە باراتىن جولدى تابۋ نەمەسە تاپسىرىس بەرۋ سياقتى ومىردە كەزدەسەتىن جاعدايلاردا اۋدارماشى ىزدەپ قينالمايسىز. تەلەفوندى ورتادا ۇستاپ سويلەپ ونى اۋدارماشى رەتىندە قولداناسىز.

аударма
Google Translate فۋنكتسياسىنىڭ سكرينشوتى

ناقتى رەجيمدەگى اۋدارما قالاي جۇمىس ىستەيدى؟

ەگەر تەلەفوندا Google Translate قولدانباسى ورناتىلعان بولسا، بۇل فۋنكسيانى ەركىن قولدانۋعا بولادى. تەك بۇل مۇمكىندىكتى قولدانۋ ءۇشىن ينتەرنەتكە كىرۋ قاجەت. ەگەر ادام شەتەلدە بولسا، Wi-Fi كىرۋ نۇكتەلەرىن تابۋ وڭاي بولماۋى مۇمكىن، بۇنداي كەزدە بايلانىس ءۇشىن كوبىرەك اقى تولەۋ مۇمكىن ەكەنىن ەستەن شىعارماۋ كەرەك.

Google بۇل ناقتى ۋاقىتتاعى اۋدارما مۇمكىندىگىن ترانسكريپتسيا مۇمكىندىگى دەپ اتايدى جانە سەگىز تىلگە قولداۋ كورسەتىلەدى: اعىلشىن، فرانسۋز، نەمىس، حيندي، پورتۋگال، ورىس، يسپان جانە تاي تىلدەرى. وسى تىزىمدەگى تىلدەردىڭ كەز- كەلگەنىمەن بەيتانىس ادامدارعا وزىڭىزگە نە كەرەكتىگىن تۇسىندىرە الاسىز.

Google Translate قولدانباسىن جۇكتەپ العان سوڭ تومەنگى سول جاق بۇرىشتا «سويلەسۋ» تۇيمەسىن كورەسىز. ەگەر ول سۇر تۇسكە بويالىپ، قولجەتىمسىز بولسا، بۇل قازىرگى تاڭدا تاڭدالعان ەنگىزۋ ءتىلى ترانسكريپتسيانى قولدامايتىنىن بىلدىرەدى. اۋدارعىڭىز كەلەتىن ءتىلدى تاڭداۋ ءۇشىن سول جاقتاعى («سويلەسۋ» تۇيمەسىنىڭ ۇستىندە) جولاقتى جانە اۋدارعىڭىز كەلەتىن ءتىلدى تاڭداۋ ءۇشىن وڭ جاقتاعى جولاقتى ءتۇرتىڭىز. بۇل فۋنكسيا ءتىلدى اۆتوماتتى تۇردە انىقتاي المايتىنىن دا ەسكەرىڭىز.

اۋدارما وپتسيالارى جانە قوسىمشا مۇمكىندىكتەر

تىلدەردى تاڭداعاننان كەيىن «سويلەسۋ» تۇيمەسىن باسىپ سويلەسۋدى باستاي الاسىز. ەكراننىڭ تومەنگى جاعىندا ءۇش تۇيمە بار. ءسىزدىڭ سۇحباتتاسۋشى ادامىڭىز سويلەي باستاعاندا ونىڭ سويلەيتىن ءتىلىن تاڭدايسىز. نەمەسە قولدانبانىڭ ءارتۇرلى داۋىستاردى اۋداراتىن اۆتوماتتى وپتسياسىن تاڭداڭىز.

ءبىر-بىرىمەن سويلەسىپ تۇرعان ادامداردىڭ نە ايتقانى ءماتىن تۇرىندە ەكراندا كورسەتىلەدى. بۇل ءسىزدىڭ ايتقانىڭىز دۇرىس اۋدارىلىپ جاتقانىنا قوسىمشا كوز جەتكىزۋ ءۇشىن ىڭعايلى.

Google Translate قولدانباسىنىڭ داۋىستىق فورماسى دا ەكراندا كورسەتىلەدى. ءبىراق ونى وڭدەۋ مۇمكىن ەمەس، ءبىراق ونى قايتا وقۋ ءۇشىن جانىنداعى ديناميك بەلگىشەسىن تۇرتۋگە بولادى.

ءماتىن ترانسكريپتسياسىن باسقا جەرگە كوشىرۋ قاجەت بولسا، ستاندارتتى ءماتىن تاڭداۋ وپتسيالارى وسى جەردە قولدانىلادى: Android نەمەسە iOS جۇيەسىندە ءماتىندى تاڭداۋ ءۇشىن ءماتىن بلوگىن ءتۇرتىپ، ۇستاپ تۇرىڭىز. ءسىز سويلەگەن كەزدە ەكراندا ماتىندىك اۋدارمالار پايدا بولادى.

نەگىزگى Google Translate ەكرانىنا ورالىڭىز. Google ەسەپتىك جازباسىنىڭ پروفيل سۋرەتىن (جوعارعى وڭ جاقتا) ءتۇرتىپ، سودان كەيىن «پارامەترلەر» تارماعىندا وزگەرتۋگە بولاتىن بىرنەشە وپتسيا بار. ءسىز پايدالاناتىن داۋىستىڭ ايماقتىق اكسەنتىن، داۋىستىق جاۋاپ بەرۋ جىلدامدىعىن وزگەرتۋگە، سونىمەن قاتار Google Translate تاريحىن وشىرۋگە بولادى.

Google Translate-تىڭ باسقا دا فۋنكسيالارىن مىنا سىلتەمە بويىنشا كورۋگە بولادى.

سوڭعى جاڭالىقتار