ەندى مەكتەپتەر دە ۆاۋچەرلىك تاسىلمەن قارجىلاندىرىلۋى مۇمكىن - پرەزيدەنت

استانا. KAZINFORM - پرەزيدەنت قاسىم-جومارت توقايەۆ ۇكىمەتتىڭ كەڭەيتىلگەن وتىرىسىندا مەكتەپتەر سالۋ مەن جاڭعىرتۋ جۇمىستارى جونىندە پىكىرىن ءبىلدىردى.

Мектеп
فوتو: وقۋ-اعارتۋ مينيسترلىگى

ونىڭ ايتۋىنشا، مەكتەپكە دەيىنگى جانە ورتا ءبىلىم بەرۋ سالاسىندا ءادىل باسەكە بولۋى قاجەت.

− بيۋدجەت قارجىسىن ۇنەمدەپ، قاراجاتتىڭ اشىق جۇمسالۋىن قامتاماسىز ەتۋ ماڭىزدى. بۇعان جول اشاتىن تاسىلدەردى ەنگىزۋ جۇمىستارىن جالعاستىرۋ كەرەك. وسى ورايدا مەكتەپكە دەيىنگى مەكەمەلەردى ۆاۋچەرلىك تاسىلمەن قارجىلاندىراتىن پيلوتتىق جوبانى اتاپ وتكەن ءجون. مەملەكەتتىك تاپسىرىس بەلگىلى ءبىر ءبىلىم بەرۋ مەكەمەسىنە بايلانبايتىن بولدى. سونىڭ ناتيجەسىندە، اتا-انالار بالاباقشانى وزدەرى تاڭداۋعا مۇمكىندىك الدى. ەندى بۇل تاجىريبەنى ورتا ءبىلىم بەرۋ سالاسىنا ەنگىزۋگە بولادى. تۇرعىلىقتى جەرىنە قاراماستان، ءاربىر بالانىڭ ءبىلىم الۋىنا قولايلى جاعداي جاساۋ - مەملەكەتتىڭ مىندەتى، - دەپ اتاپ ءوتتى مەملەكەت باسشىسى.

سونىمەن بىرگە، بيىل «جايلى مەكتەپ» ۇلتتىق جوباسى اياقتالادى.

− بارلىق ايماقتا زامان تالابىنا ساي تىرەك مەكتەپتەر جەلىسى قۇرىلىپ جاتىر. مەنىڭ تاپسىرماممەن ءۇش جىلدا تاعى 1300 مەكتەپ جاڭعىرتۋدان وتەدى. بۇدان بولەك، ۇكىمەت زاماناۋي مەكتەپتەر سالۋعا قولايلى جاعداي جاساپ، ورتا ءبىلىم بەرۋ سالاسىنا جەكە ينۆەستيتسيا تارتۋى قاجەت، - دەدى پرەزيدەنت.

وسى ۋاقىتتا پرەزيدەنت قاسىم-جومارت توقايەۆتىڭ توراعالىعىمەن ۇكىمەتتىڭ كەڭەيتىلگەن وتىرىسى ءوتىپ جاتىر.

وندا مەملەكەت باسشىسى 2017 -جىلدان باستاپ 2020 -جىلعا دەيىن ءبىرقاتار ءىرى بانككە مەملەكەت تاراپىنان، سونىڭ ىشىندە ۇلتتىق قور ەسەبىنەن 15 جىل مەرزىمگە قارجىلاي قولداۋ كورسەتىلگەنىن ەسكە سالدى.

سوڭعى جاڭالىقتار