ەندى جولاۋشىلاردىڭ اتى-جونىندەگى ەكى ارىپكە دەيىنگى قاتە تەگىن تۇزەتىلەدى

ازاماتتاردىڭ وتىنىشتەرىن تالداۋ بارىسىندا اۋە بيلەتتەرىن راسىمدەۋ كەزىندە تەگىندە، ەسىمىندە جانە اكەسىنىڭ اتىندا كەتكەن ەلەۋسىز قاتەلەر ءۇشىن كوپتەگەن ايىپپۇل سالىنعانى انىقتالدى. 2025-جىلى «Qazaq Air» ا ق (قازىرگى اتاۋى - Vietjet Qazaqstan) اۋە كومپانياسى 3815 جولاۋشىنىڭ دەرەكتەرىن تۇزەتكەن، ولاردىڭ باسىم بولىگى - ەكى ارىپكە دەيىنگى قاتەلەر.

- استانا قالاسىنىڭ اۆياتسيالىق كولىك پروكۋراتۋراسى اۋە كومپانياسىنىڭ باسشىلىعىمەن كەزدەسۋ وتكىزدى. كەزدەسۋ قورىتىندىسى بويىنشا 2026-جىلدىڭ باسىنان باستاپ اتى-جونىندەگى ەكى ارىپكە دەيىنگى قاتەلەردى تەگىن تۇزەتۋدىڭ جاڭا ءتارتىبى ەنگىزىلدى، - دەلىنگەن حابارلامادا.

ايتا كەتەلىك قايتارىلمايتىن ۇشاق بيلەتتەرى بويىنشا وزگەرىس ەنگىزۋ ۇسىنىلعان ەدى.