ەندى جۇرگىزۋشى كۋالىگىن الۋ ءۇشىن ەمتيحانعا تەك «ح ق ك و» قوسىمشاسىنان جازىلۋ كەرەك

الماتى. KAZINFORM - مامانداندىرىلعان حالىققا قىزمەت كورسەتۋ ورتالىعىندا وتكىزىلەتىن تەوريالىق جانە تاجىريبەلىك ەمتيحانعا ەندى تەك «ح ق ك و» قوسىمشاسى ارقىلى عانا جازىلۋعا بولادى.

Водительское удостоверение ключи Жүргізуші куәлігі кілт
Фото: Виктор Федюнин/ Kazinform

«ازاماتتارعا ارنالعان ۇكىمەت» مەملەكەتتىك كورپوراتسياسى بۇل جاڭاشىلدىق ازاماتتارعا ىڭعايلى بولۋ ءۇشىن جانە سىبايلاس جەمقورلىق تاۋەكەلدەرىن ازايتۋعا باعىتتالعانىن حابارلادى.

قاۋىپسىزدىكتى قامتاماسىز ەتۋ ماقساتىندا «ح ق ك و» قوسىمشاسىنىڭ بارلىق قولدانۋشىسى ەكى فاكتورلى اۋتەنتيفيكاتسيادان وتەدى: الدىمەن - بيومەتريالىق يدەنتيفيكاتسيا، سوسىن 1414 نومىرىنەن كەلىپ تۇسكەن SMS- كودى ارقىلى ءوزىنىڭ جەكە باسىن راستايدى. ودان كەيىن جۇرگىزۋشى كۋالىگىنە ۇمىتكەر «تەوريالىق ەمتيحانعا جازىلۋ» نەمەسە «تاجىريبەلىك ەمتيحانعا جازىلۋ» باتىرماسىن تاڭدايدى. قىزمەت الۋشىعا 1414 نومىرىنەن حابارلاما كەلىپ تۇسەدى.

ايتا كەتۋ كەرەك، SMS حابارلاما موبيلدى ازاماتتار بازاسىنا تىركەلگەن تەلەفون نومىرىنە جىبەرىلەدى.

- قوسىمشا ارقىلى ەمتيحانعا جازىلۋ ءۇشىن الدىن الا مامانداندىرىلعان حالىققا قىزمەت كورسەتۋ ورتالىعىنا جۇگىنىپ، ءوتىنىم ءنومىرىن الۋ قاجەت ەكەنىن ەسكەرتەمىز. بۇل سەرۆيس ەمتيحان ۋاقىتى مەن ەمتيحان تاپسىرۋ كەستەسىندەگى وزگەرىستەر تۋرالى پايدالانۋشىلارعا حابارلاپ وتىرادى. بۇل اقپاراتتى ىڭعايلى تۇردە جانە دەر كەزىندە الۋ مۇمكىندىگىن ەداۋىر ارتتىرادى، - دەپ حابارلادى مەكەمەنىڭ الماتى فيليالىنان.

ەسكە سالايىق، ەمتيحانعا جازىلۋ بۇرىن booking.gov4c.kz سايتىندا جۇزەگە اسىرىلاتىن. الايدا «ح ق ك و» موبيلدى قوسىمشاسى ارقىلى قىزمەتتى كەڭەيتىلگەن اۋقىمدا الۋ ءۇشىن سايتتاعى برونداۋ فۋنكسياسى وشىرىلەدى. دەگەنمەن سايت قولدانۋشىلارى ەمتيحان تاپسىرۋ ءساتىنىڭ ترانسلياتسياسىن ونلاين رەجيمدە باياعىشا كورە الادى.

اتالعان قوسىمشا ح ق ك و- عا بارۋ ۋاقىتىن برونداۋعا، ەلەكتروندى كەزەك ءۇشىن تالون الۋعا، قىزىقتىرعان حالىققا قىزمەت كورسەتۋ ورتالىعىنىڭ ورنالاسقان مەكەنجايىن تابۋ جانە وزەكتى سۇراقتارمەن تانىسۋعا مۇمكىندىك بەرەدى.

ەسكە سالايىق، بۇعان دەيىن الماتىدا بىلتىر 4 مىڭنان استام ادام فاميلياسىن وزگەرتكەنىن جازعانبىز.

سوڭعى جاڭالىقتار