نازاربايەۆ تەمىرتاۋ شاحتالارىنداعى تراگەديالار ءۇشىن جاۋاپكەرشىلىك ارقالاي ما؟

Шахта
Фото: Фото: Depositphotos.com/TTstudio

نازاربايەۆ «ارسەللورميتتال تەمىرتاۋ» شاحتالارىنداعى تراگەديالار ءۇشىن جاۋاپكەرشىلىك ارقالاي ما؟ ۇكىمەت وتىرىسىنان كەيىن ءوتىپ جاتقان باسپا ءسوز كونفەرەنتسياسىندا پرەمەر-ءمينيستردىڭ ورىنباسارى تامارا دۇيسەنوۆاعا وسىنداي سۇراق قويىلدى، دەپ حابارلايدى Kazinform.

«جەكە پىكىرلەرىڭىزدى ايتىڭىزدارشى. وسى كاسىپورىندى تيىن-تەبەنگە ساتىپ جىبەرگەن، 100 دەن استام ادامنىڭ ولىمىنە جول بەرگەن نۇرسۇلتان نازاربايەۆ قلىمىستىق بولماسا دا، تىم بولماعاندا جەكە مورالدىك جاۋاپكەرشىلىك ارقالاۋى كەرەك پە؟»، - دەپ سۇرادى ب ا ق وكىلى بريفنگتەگى ۇكىمەت مۇشەلەرىنەن.

سۇراققا پرەمەر-ءمينيستردىڭ ورىنباسارى تامارا دۇيسەنوۆا عانا جاۋاپ بەردى

«ارىپتەستەر، ءبىز سىزدەرمەن بىرگە ءومىردىڭ 30 جىلدىق كەزەڭىن وتكەردىك قوي. اۋىسپالى كەزەڭ وتە اۋىر بولدى. ەكونوميكالىق بايلانىستاردىڭ ءبارى ءۇزىلىپ، جۇمىس ورىندارىن، كاسىپورىندى ساقتاۋ پروبلەماعا اينالدى. قازىر دە سونداي ماسەلە قويىلىپ وتىر. ءبىزدىڭ جاعدايدا قازىر كاسىپورىن الەم ەكونوميكاسىنا ينتەگراتسيالانعان. ول كەزدە بۇكىل بايلانىستى ۇزگەن ەدىك. سوندىقتان ول كەزدە دە شەتەلدىك ينۆەستوردى تارتىپ، كاسىپورىننىڭ جۇمىسىن قامتاماسىز ەتۋ كەرەك بولدى. قازىر ول كەزدە دۇرىس شەشىم قابىلداندى نەمەسە تەرىس شەشىم قابىلداندى دەپ ايتا المايتىن شىعارمىز. ەڭ باستىسى قازىر ول كاسىپورىن جۇمىس ىستەپ تۇر. ەندى ءارى قاراي جۇمىس ىستەي بەرۋى كەرەك»، - دەدى ول.

سوڭعى جاڭالىقتار