نازاربايەۆ ۋنيۆەرسيتەتىنىڭ اكادەميالىق دەربەستىگىنە ارالاسپايمىز - ساياسات نۇربەك
استانا. KAZINFORM – ق ر عىلىم جانە جوعارى ءبىلىم ءمينيسترى ساياسات نۇربەك نازاربايەۆ ۋنيۆەرسيتەتىنىڭ الەۋەتىن كوتەرۋگە نازار اۋدارىپ وتىرعانىن ايتتى.
«قازىرگى كەزدە ۇكىمەت، مينيسترلىك نازاربايەۆ ۋنيۆەرسيتەتىنىڭ الەۋەتىن ساقتاپ قالۋعا نازار اۋدارىپ وتىر. بۇل تۇرعىدا اكادەميالىق دەربەستىكتىكتى ساقتاپ قالۋ ءۇشىن ءتيىستى ءىس- شارالار اتقارىلىپ كەلەدى. بىرىنشىدەن، نازاربايەۆ ۋنيۆەرسيتەتىن قارجىلاندىرۋ مەن اكادەميالىق باعىتىندا ۇكىمەت جاعىنان ەشقانداي شەكتەۋ بولمايدى. ەكىنشىدەن، قازىر وقۋ ورنىنىڭ جاڭا پرەزيدەنتىن ىرىكتەۋ پروتسەسى جالعاسىپ جاتىر. جەكە ءوزىم بىرنەشە كانديداتپەن سويلەستىم. قازىر ءابۋ- دابي ۋنيۆەرسيتەتىندە، كانادا، ا ق ش جانە ۇلى بريتانيانىڭ جوعارى وقۋ ورىندارىندا قىزمەت ەتكەن مىقتى ماماندار ءوتىنىش تاپسىرىپ جاتىر»، - دەدى س. نۇربەك ۇكىمەت وتىرىسىنان كەيىن بولعان باسپا ءسوز ءماسليحاتىندا.
بۇل تۇرعىدا جاقىن ارادا ج و و- نىڭ جاڭا پرەزيدەنتى تاعايىندالاتىنىن ايتتى.
«ءبىزدىڭ ماقساتىمىز - اتالعان ۋنيۆەرسيتەتتىڭ الەۋەتىن كوتەرۋ. زەرتتەۋشى فورماتىنا ەكپىن قويىلادى. بىرنەشە ءتيىمسىز باعىتتار جابىلۋى مۇمكىن، ءبىراق نەگىزگى قولداۋ ەشقاشان وزگەرمەيدى. نازاربايەۆ ۋنيۆەرسيتەتى - تولىققاندى زەرتتەۋشى ءارى حالىقارالىق ستاندارتتارعا ساي وقۋ ورنى»، - دەدى مينيستر.
