نازاربايەۆ اتىنداعى ۋنيۆەرسيتەتتىڭ اتاۋى وزگەرەتىن بولدى
استانا. KAZINFORM - «اشىق ن ق ا» پورتالىندا عىلىم جانە جوعارى ءبىلىم مينيسترلىگىنىڭ تۇڭعىش پرەزيدەنتى - ەلباسى اتىنداعى ۇلتتىق قورعانىس ۋنيۆەرسيتەتىنىڭ اتاۋىن وزگەرتۋگە ارنالعان قاۋلى جوباسى تالقىلانىپ جاتىر.
تۇزەتۋگە ۇشىرايتىن قۇجاتتىڭ اتاۋى - «جوعارى جانە (نەمەسە) جوعارى وقۋ ورنىنان كەيىنگى ءبىلىم بەرۋ ۇيىمدارىنىڭ ەرەكشە مارتەبەسى تۋرالى ەرەجەنى بەكىتۋ تۋرالى» ۇكىمەت قاۋلىسى.
قاۋلىعا ۇلتتىق قوردان بالالارعا ارنالعان قاراجاتتى ەسەپتەۋ، تولەۋ جانە پايدالانۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋدى كوزدەيتىن زاڭ اياسىندا تۇزەتۋ ەنگىزۋ قاجەتتىگى تۋىنداعان.
- جوبامەن قازاقستان رەسپۋبليكاسىنىڭ تۇڭعىش پرەزيدەنتى - ەلباسى اتىنداعى ۇلتتىق قورعانىس ۋنيۆەرسيتەتىنىڭ اتاۋىن قازاقستان رەسپۋبليكاسىنىڭ ۇلتتىق قورعانىس ۋنيۆەرسيتەتى دەپ وزگەرىستەر ەنگىزۋ كوزدەلگەن، - دەپ جازىلعان ەرەجەنىڭ سيپاتتاماسىندا.
جالپى بۇل وزگەرىستىڭ بولاتىنى كوپشىلىككە 2023-جىلدىڭ قازان ايىندا ءمالىم بولعان ەدى. سەناتتىڭ جالپى وتىرىسىنان كەيىن دەپۋتات بەكبول ورىنباسار وسىنداي مالىمەت ايتقان بولاتىن.
