نايزاعاي، جاڭبىر، بۇرشاق: 6 -مامىرعا ارنالعان اۋا رايى بولجامى
استانا. KAZINFORM - «قازگيدرومەت» ر م ك 6- مامىرعا ارنالعان اۋا رايى بولجامىن جاريالادى.
سينوپتيكتەردىڭ بولجامى بويىنشا اۋقىمدى انتيسيكلون اسەرىنەن ەلىمىزدىڭ باسىم بولىگىندە اۋا رايى جاۋىن- شاشىنسىز بولادى.
تەك ەلىمىزدىڭ باتىسىندا، سولتۇستىگىندە اتموسفەرالىق فرونتالدى بولىكتەردىڭ جىلجۋىنا بايلانىستى نايزاعاي ويناپ، جاڭبىر جاۋادى، باتىستا نوسەر جاڭبىر بولىپ، اراسىندا بۇرشاق تۇسەدى.
رەسپۋبليكا بويىنشا ورتاق تابيعي قۇبىلىس - جەلدىڭ ەكپىن الۋى.
ەلىمىزدىڭ وڭتۇستىگىندە شاڭدى داۋىل تۇرىپ، باتىسىندا تۇمان بولادى دەپ بولجانادى.
سونداي-اق، قىزىلوردا، جامبىل، تۇركىستان وبلىستارىندا، الماتى وبلىسىنىڭ سولتۇستىگىندە، ورتالىعىندا، اتىراۋ ءوڭىرىنىڭ وڭتۇستىگىندە، باتىس قازاقستان وبلىسىنىڭ ورتالىعىندا، قاراعاندى وبلىسىنىڭ سولتۇستىگىندە، باتىسىندا، وڭتۇستىگىندە، شىعىسىندا، وڭتۇستىگىندە، ۇلىتاۋ وبلىسىنىڭ ورتالىعىندا، وڭتۇستىگىندە، اقتوبە، پاۆلودار وبلىستارىنىڭ وڭتۇستىك- شىعىسىندا، وڭتۇستىگىندە قوستاناي ءوڭىرىنىڭ سولتۇستىگىندە، شىعىسىندا، وڭتۇستىگىندە، ماڭعىستاۋ وبلىسىنىڭ ورتالىعىندا، سولتۇستىك- باتىسىندا، شىعىس قازاقستان وبلىسىنىڭ وڭتۇستىگىندە، باتىسىندا، اقمولا وبلىسىنىڭ وڭتۇستىگىندە، جەتىسۋ وبلىسىنىڭ باتىسىندا، سولتۇستىگىندە، وڭتۇستىك- شىعىسىندا، سولتۇستىك- باتىسىندا، وڭتۇستىگىندە، اباي وبلىسىنىڭ ورتالىعىندا ءورت قاۋپى جوعارى بولادى.
تۇركىستان وبلىسىنىڭ باتىسىندا، شولەيتتى اۋداندارىندا، قىزىلوردا وبلىسىنىڭ شىعىسىندا، ورتالىعىندا توتەنشە ءورت قاۋپى بار.
ايتا كەتەيىك، الداعى كۇندەرى رەسپۋبليكا اۋماعىندا اۋا رايىن وڭتۇستىك تسيكلون قالىپتاستىرادى. سوعان بايلانىستى 6 -8 - مامىر ارالىعىندا ەلىمىزدىڭ باتىسىندا، سولتۇستىك- باتىسى مەن سولتۇستىگىندە، ال 8- مامىردان باستاپ ورتالىق، شىعىس جانە وڭتۇستىك وڭىرلەردە جاڭبىر جاۋىپ، نايزاعاي ويناپ، كۇندىز بۇرشاق ءتۇسۋى مۇمكىن.
