NASA ايعا ۇشۋعا ۇمىتكەرلەردى تاڭدادى
عارىش تۋريستەرى كومانداسى التى ەر ادام مەن ءتورت ايەلدەن تۇرادى. ولار ايعا ۇشۋ ءۇشىن ەكى جىل ارنايى دايىندىقتان وتەدى.
اگەنتتىك ايعا ۇشقىسى كەلەتىن 12000 ادامنىڭ ءوتىنىشىن قابىلداعان.
بولاشاق عارىشكەرلەردىڭ ءتىزىمى كەلەسىدەي:
نيكول ايەرس – ا ق ش اسكەري- اۋە كۇشتەرىنىڭ مايورى، ول ۇشاقپەن 200 دەن استام جاۋىنگەرلىك جاتتىعۋ ورىنداعان؛
ماركوس بەرريوس – ا ق ش اسكەري- اۋە كۇشتەرىنىڭ مايورى، ول ۇشاقپەن 100 دەن استام جاۋىنگەرلىك جاتتىعۋدى ورىندادى؛
كريستينا بيرچ - ماتەماتيكا، بيوحيميا جانە مولەكۋلالىق بيوفيزيكا باكالاۆرى؛
دەنيز بورنحەم – ا ق ش اسكەري- تەڭىز كۇشتەرىنىڭ لەيتەنانتى؛
ليۋك دەلاني – ا ق ش تەڭىز جاياۋ اسكەرىنىڭ وتستاۆكاداعى مايورى؛
اندرە دۋگلاس - ماشينا جاساۋ ماگيسترى؛
دجەك حەتەۋەي – ا ق ش ۇلتتىق گۆاردياسىنىڭ قولباسشىسى؛
انيل مەنون – ا ق ش اسكەري- اۋە كۇشتەرىنىڭ پودپولكوۆنيگى؛
كريستوفەر ۋيليامس - فيزيكا باكالاۆرى، استروفيزيكا عىلىمدارىنىڭ دوكتورى؛
دجەسسيكا ۆيتتنەر – ا ق ش ۇلتتىق گۆاردياسىنىڭ لەيتەنانت- قولباسشىسى.
ولاردىڭ بارلىعى 30-40 جاس ارالىعىنداعىلار
اتا كەتەيىك، 2020 -جىلى NASA Artemis عارىش باعدارلاماسىنىڭ ەگجەي- تەگجەيىمەن بولىسكەن بولاتىن. باعدارلاما بويىنشا اگەنتتىك 2024 -جىلى ايعا الدىمەن ايەل عارىشكەردى، سودان كەيىن ەر عارىشكەردى ۇشىرادى.
بۇل باعدارلامانى جۇزەگە اسىرۋ ءۇشىن NASA Space Launch System (SLS) زىمىرانى مەن وريون عارىش كەمەسىن پايدالانۋدى جوسپارلاپ وتىر. Artemis باعدارلاماسى ءۇش كەزەڭنەن تۇرادى: ءبىرىنشى، 2021 -جىلى عارىشكەرلەرسىز عارىشقا SLS- ءتىڭ عارىشقا ۇشۋى، سودان كەيىن 2023 -جىلى عارىشكەرلەرمەن بىرگە ايدىڭ اينالاسىندا ۇشۋ، ءۇشىنشى كەزەڭ بويىنشا 2024 -جىلى ايعا العاش بولىپ ايەل عارىشكەردى، سودان كەيىن ەر عارىشكەردى ۇشىرۋ كوزدەلگەن.
عالىمداردىڭ ايتۋىنشا، عارىشكەرلەر ءبىر اپتا ىشىندە ايدا ءتۇرلى ۇلگىلەردى جيناپ، ءبىرقاتار عىلىمي تاجىريبەلەر جاسايدى. سودان كەيىن ولار اي وربيتاسىنا ورالىپ، وريون عارىش كەمەسىنىڭ كومەگىمەن جەرگە قايتادى.
باعدارلاما بارىسىندا روبوتتار مەن عارىشكەرلەر ايداعى سۋ سياقتى رەسۋرستاردى ىزدەيدى. سودان كەيىن مۇنداي قورلاردى باسقا پايدالى قورلارعا، مىسالى، وتتەگى مەن وتىنعا اينالدىرۋ ءۇشىن زەرتتەۋ تاجىريبەسى جۇرگىزىلەدى. جاڭا وزىق تەحنولوگيانىڭ كومەگىمەن عارىشكەرلەر ايدا ۇزاق قاشىقتىققا ساياحاتتاپ، ۇلكەن ايماقتى زەرتتەيدى.
