NASA ۆەنەرانى زەرتتەۋدىڭ ەكى ميسسياسىن ۇسىندى

نۇر- سۇلتان. قازاقپارات – ا ق ش- تىڭ اەروناۆتيكا جانە عارىش كەڭىستىگىن زەرتتەۋ جونىندەگى ۇلتتىق باسقارماسى (NASA) ۆەنەرانى زەرتتەۋگە ارنالعان ەكى ميسسيانى تاڭدادى، دەپ حابارلايدى قازاقپارات Deutsche Welle گە سىلتەمە جاساپ.

ميسسيانىڭ ماقساتى «كۇن ساۋلەسىنەن ەكىنشى ورنالاسقان عالامشاردىڭ «توزاق سياقتى الەمگە» قالاي اينالعانىن ءتۇسىنۋ. سەبەبى ونىڭ جەرمەن ۇقساس تۇستارى وتە كوپ دەلىنەدى» NASA- نىڭ 2 ماۋسىمدا جاريالاعان مالىمدەمەسىندە.

ءار ميسسيانىڭ دايىندىعىنا شامامەن 500 ميلليون دوللار ءبولىندى. ەكەۋى دە 2028-2030 -جىلدارعا جوسپارلانعان. DAVINCI + ميسسياسىنىڭ اياسىندا ساراپشىلار نەگىزىنەن كومىرقىشقىل گازى مەن ازوتتان تۇراتىن پلانەتانىڭ اتموسفەراسىن زەرتتەۋگە، سونداي- اق ۆەنەرادا مۇحيتتاردىڭ بولعان- بولماعانىن انىقتاۋعا نيەتتى.

VERITAS ميسسياسى ۆەنەرا بەتىن كارتاعا تۇسىرۋمەن بايلانىستى بولادى. ونىڭ اياسىندا NASA ۆەنەرانىڭ گەولوگيالىق تاريحىن، بۇل پلانەتانىڭ نەلىكتەن جەردەن وزگەشە دامىعانىن زەرتتەيدى دەپ كۇتىلەدى.

امەريكا قۇراما شتاتتارىنىڭ ۆەنەرانى زەرتتەۋ تاريحى 1962 -جىلى مارينەر-2 عارىش اپپاراتىن جىبەرۋدەن باستالدى. ميسسياسى كۇننەن ەكىنشى الىس پلانەتانى زەرتتەۋ بولعان سوڭعى امەريكالىق اپپارات 1989 -جىلى ۆەنەرا بەتىن ەگجەي- تەگجەيلى كارتاعا ءتۇسىرۋ ماقساتىندا ىسكە قوسىلعان ماگەللان بولدى.