«ناۋرىز» يپوتەكاسىن الۋ ءۇشىن ۇپاي قالاي ەسەپتەلەدى

 استانا. KAZINFORM - «وتباسى بانكتىڭ» باسپا ءسوز قىزمەتى «ناۋرىز» تۇرعىن ءۇي باعدارلاماسى بويىنشا يپوتەكا الۋ ءۇشىن ۇپاي قالاي ەسەپتەلەتىنىن ءتۇسىندىردى.

«ۇپايلار قالاي ەسەپتەلەدى؟

- سالىم بويىنشا سىياقى مولشەرى - ءاربىر 1000 تەڭگە ءۇشىن 1 ۇپاي؛

- تىركەلگەن نەكەنىڭ بولۋى - 5 ۇپاي؛

- بالالاردىڭ بولۋى - 10 ۇپاي (بالالار سانىنا قاراماستان)؛

- حالىقتىڭ الەۋمەتتىك وسال توپتارى (ح ء ا و ت) مارتەبەسىنىڭ بولۋى - 10 ۇپاي؛

- 35 جاسقا دەيىنگى جاس (قوسا العاندا) - 5 ۇپاي»، - دەپ جازىلعان رەسمي مالىمەتتە.

ال ەگەر ەكى قاتىسۋشىنىڭ ۇپايلار تەڭ بولىپ قالسا، قاتىسۋشىلار تىزىمىنە سالىم سوماسى كوپ جانە جيناقتاۋ مەرزىمى ۇزاعىراق ادام كىرەدى.

«سارالاۋدان كەيىن كليەنتتەر بانك سايتىندا «ناۋرىز» باعدارلاماسىنا وتكەن ۇمىتكەرلەر ءتىزىمىن كورە الادى. سونداي- اق، ولاردىڭ نەسيە الۋعا تاعى ەكى اي ۋاقىتى بولادى.

وتباسى بانك وسى ۋاقىت ارالىعىندا، بار بولعان جاعدايدا، تۇتىنۋشىلىق نەسيەلەردى وتەۋگە كەڭەس بەرەدى، ەسەسىنە سودان كەيىن قارىزدى ماقۇلداۋ مۇمكىندىگى كوبىرەك بولادى. شىنىندا دا، تولەم قابىلەتتىلىگىن ەسەپتەۋ كەزىندە سوڭعى 6 ايداعى رەسمي تابىس قانا ەمەس، سونىمەن قاتار وتباسىنا جۇمسالاتىن مىندەتتى شىعىندار، سونداي- اق نەسيەلەر بويىنشا تولەمدەر دە ەسكەرىلەدى.

زاەم بويىنشا وڭ ماقۇلداۋ العان ۇمىتكەردىڭ باسپانا ىزدەۋگە 6 اي ۋاقىتى بولادى»، - دەلىنگەن رەسمي اقپاراتتا.

«ناۋرىز» باعدارلاماسىنىڭ نەگىزگى شارتتارى:

- العاشقى جارنا - %20 دان باستاپ؛

- تۇرعىن ءۇي كەزەگىندە تۇرعان ازاماتتاردىڭ الەۋمەتتىك وسال ساناتتارى ءۇشىن كرەديت بويىنشا مولشەرلەمە -%7 (ج ت س م %7,3 دان %8,9 دەيىن)؛

- ازاماتتاردىڭ بارلىق ساناتتارى ءۇشىن كرەديت بويىنشا مولشەرلەمە - %9 (ج ت س م %9,3 دان %11,8 دەيىن)؛

- نەسيە مەرزىمى - 19 جىلعا دەيىن.

ەسكە سالايىق، كەشە «ناۋرىز» تۇرعىن ءۇي باعدارلاماسىنا ءوتىنىم قابىلداۋ باستالعان بولاتىن.

Public Policy Research Center ۇكىمەتتىك ەمەس تالداۋ ورتالىعىنىڭ ديرەكتورى مەرۋەرت ماحمۇتوۆا Kazinform تىلشىسىنە بەرگەن سۇحباتىندا «وتاۋ» جانە «ناۋرىز» باعدارلاماسى كىمدەرگە ءتيىمدى ەكەنىن ايتقان ەدى.