ناۋرىز باعدارلاماسىنىڭ ەكىنشى كەزەڭى ىسكە قوسىلادى - وتباسى بانك

استانا. KAZINFORM - الداعى ناۋرىز ايىنا دەيىن «ناۋرىز» باعدارلاماسىنىڭ ەكىنشى كەزەڭى ىسكە قوسىلادى. بۇل تۋرالى Kazinform اگەنتتىگىنىڭ ساۋالىنا وتباسى بانكتىڭ رەسمي جاۋابىندا ايتىلعان.

Елордада жұмыс істейтін жастар жалға берілген баспанадан тұрақты баспанасына қалай көше алады
Фото: gov.kz

- 2025 -جىلدىڭ ءبىرىنشى توقسانىندا «ناۋرىز» باعدارلاماسىنىڭ ەكىنشى كەزەڭىن ىسكە قوسۋ جوسپارلانىپ وتىر. ول جاڭا شارتتارمەن جۇمىس ىستەيتىن بولادى. باعدارلاماداعى وزگەرىس دەپوزيتتەگى جيناقتالعان قاراجاتتىڭ ەڭ تومەنگى سوماسىنا قاتىستى. ەندى «ناۋرىز» باعدارلاماسىنا قاتىسۋعا ءوتىنىم بەرۋ ءۇشىن جيناقتا كەمىندە 2 ميلليون تەڭگە بولۋى قاجەت، - دەلىنگەن حابارلامادا.

بانك بۇل شارا باعدارلاماعا حالىقتىڭ ۇلكەن سۇرانىسىنا بايلانىستى قولعا الىنعانىن جانە ول قاتىسۋشىلار اراسىندا ءادىل ىرىكتەۋدى ارتتىرۋعا باعىتتالعانىن اتاپ وتكەن. ياعني تۇرعىن ءۇي جاعدايىن جاقسارتۋعا شىنايى ماقسات قويعان جانە ەڭ تومەنگى باستاپقى جارنانى جيناۋعا قاۋقارى بار سالىمشىلارعا كوبىرەك مۇمكىندىك بەرىلەدى.

ودان بولەك، «ناۋرىز» باعدارلاماسى بويىنشا العاشقى جارناعا قاتىستى دا وزگەرىس ەنگىزىلەتىنى ايتىلعان.

- ەندى تازا ارلەۋدەگى تۇرعىن ءۇيدى تاڭداي وتىرىپ، باعدارلاماعا قاتىسۋشىلارعا قارىز سوماسىنىڭ %10 مولشەرىندە، ءبىراق كەمىندە 2 ميلليون تەڭگە باستاپقى جارنا تولەۋى جەتكىلىكتى. بۇل وزگەرىس قۇرىلىس كومپانيالارىن ساتۋعا قويىلعان تازا ارلەۋدەگى تۇرعىن ۇيلەردىڭ سانىن ارتتىرۋعا ىنتالاندىرادى، - دەلىنگەن حابارلامادا.

ايتا كەتەيىك، بۇعان دەيىن «وتباسى بانك» ا ق باسقارما ءتورايىمى ءلاززات يبراگيموۆا «ناۋرىز» باعدارلاماسىنا 2025 - جىلى 300 ميلليارد تەڭگە ءبولۋ جوسپارلانعانىن ايتقان بولاتىن.

سوڭعى جاڭالىقتار