نەپالدا سۋ تاسقىنى مەن كوشكىن سالدارىنان قازا بولعاندار سانى 148 گە جەتتى
استانا. KAZINFORM -جەكسەنبى كۇنى تۇستەن كەيىن نەپالدا نوسەر جاڭبىردان سوڭ پايدا بولعان سۋ تاسقىنى مەن كوشكىندەردىڭ سالدارىنان بارلىعى 148 ادام مەرت بولدى، دەپ حابارلايدى شينحۋا اگەنتتىگى.
تابيعي اپات سالدارىنان 101 ادام زارداپ شەگىپ، 55 ءى ءىز-ءتۇزسىز جوعالىپ كەتتى، دەلىنگەن نەپال پوليتسياسىنىڭ حابارلاماسىندا.
سونىمەن قاتار وندا قازىرگى تاڭدا زارداپ شەككەن 3 مىڭ 661 ادامنىڭ قۇتقارىلعانى ايتىلادى.
نەپالدىڭ ورتالىق بولىگىندەگى دحادينگ وكرۋگىندە كوشكىن باسىپ قالعان 35 ادامنىڭ دەنەسى مەن ءۇش جولاۋشىلار اۆتوبۋسى شىعارىلدى، دەپ حابارلادى اگەنتتىككە وڭىرلىك پوليتسيا وكىلدىگىنىڭ وكىلى ناۆارادج ادحيكاري.
قۇقىق قورعاۋ ورگاندارىنىڭ دەرەكتەرىنە قاراعاندا، جۇمادان سەنبىگە دەيىن توقتاۋسىز جاۋعان نوسەر جاۋىن سالدارىنان پايدا بولعان سۋ تاسقىنى مەن كوشكىندەردىڭ سالدارىنان ەلدىڭ باستى اۆتوماگيسترالدارىندا جول جوق. سونىڭ سالدارىنان جۇزدەگەن ادام قيىن جاعدايعا تاپ بولدى.
وسىعان دەيىن نەپالدا 27-قىركۇيەكتەن بەرگى تولاسسىز جاۋعان جاڭبىردان سوڭ بولعان سۋ تاسقىنى مەن كوشكىننىڭ سالدارىنان ۇلكەن جولدار جابىلىپ، ىشكى اۋە قاتىناسى ءۇزىلىپ، كەم دەگەندە 66 ادام قازا تاپقانىن جازدىق.
