ناداندىقتىڭ شىڭى: يسپانيادا قازاقستاندىق بلوگەردى تاپا-تال تۇستە توناپ كەتتى
استانا. قازاقپارات - قازاقستان ازاماتى زاتتارىنان ايىرىلىپ قالعان. اۆتوبلوگەر ەرعازى ءازىمحان ۇلى ەۋروپاعا ساپارى كەزىندە قولايسىز جاعدايعا تاپ بولدى.
«ماسقارا بولدى مادريدتىڭ ۇرلىقشىلارى سۋمكامدى الىپ كەتتى. كوز الدىمىزدا، رەستوران ىشىندە سومكەمىزدى جۇلىپ الىپ كەتۋ ناداندىقتىڭ شىڭى عوي. ماسقارا! ىشىندە كامەرا، پەتليچكا، زاريادكا، جانە ەڭ كەرەك كيىمدەرىم بولىپ ەدى. جالپى كوپ نارسە بار. ەڭ باستىسى، اللا ساقتاعانداي، ءتولقۇجاتىمدى قالتاما سالىپ العانىم ەڭ دۇرىس شەشىم بولعان ەكەن. ول جوعالعاندا مىنا جاقتان مەنى شىعارمايتىن ەدى. جانە كەلەسى جولى ۆيزا بەرە مە، بەرمەي مە ەكى تالاي بولار ەدى. پوليتسيا شاقىردىم. ءبىراق تانىستارىم ولار مۇلدە كومەكتەسپەيتىنىن ايتتى. سول سەبەپتى ەۋروپاعا بارا جاتقان تانىستارىڭ بولسا جىبەرىپ قويىڭدار وسى ۆيدەونى. سەن قانشا ساق بولساڭ دا، ولار سەنەن ارتىق قولدارى ۇزىن بولادى ەكەن. راحمەت ساعان، مادريد! راحمەت ساعان، يسپانيا! ۋاقىتتىڭ ءبارىن وسىلار الدى»، دەپ جازدى اۆتوبلوگەر الەۋمەتتىك جەلىدە.
