مۋزىكانت ەرلان كوكەيەۆتىڭ گيتاراسى تابىلدى

Гитара Ерлана Кокеева нашлась
Фото: кадр из видео

استانا. KAZINFORM - قازاقستاندىق تانىمال مۋزىكانت، ءانشى ەرلان كوكەيەۆ ۇشاقتا جوعالعان گيتاراسىنىڭ تابىلعانىن مالىمدەدى.

«25-ماۋسىمدا وسكەمەننەن الماتىعا ۇشتىم. گيتارانى وزىممەن بىرگە العام، ءبىراق اۋە كومپانياسىنىڭ قىزمەتكەرلەرى گيتارانى جۇككە تاپسىرۋ كەرەك دەدى، مەن تاپسىردىم. مەنىمەن بىرگە استاناعا ۇشقان ءبىر توپ جولاۋشى بولدى، ولاردا دا گيتارا بولدى. الماتىعا ۇشىپ كەلسەم، گيتارا جوق، بىردەن پوليتسياعا ارىز جازىپ، جۇگىندىم»، - دەدى ەرلان كوكەيەۆ اگەنتتىك تىلشىسىمەن ۇيالى تەلەفون ارقىلى سويلەسە تۇرىپ.

ونىڭ ايتۋىنشا، مۋزىكانتتىڭ گيتاراسىن باسقا جولاۋشى شاتاستىرىپ الىپ كەتكەن.

«جولاۋشى (ەر ادام) مەنىڭ گيتارامدى استاناعا الىپ كەتكەن. مەن ىزدەۋ سالىپ، ايعاي-شۋ شىققاننان سوڭ ەر ادام ول مەنىڭ گيتارام ەكەنىن تۇسىنگەن. وسىلايشا ول كىسى ماعان گيتارامدى قايتاردى، گيتارا ءبۇتىن»، - دەيدى ول.

سونداي-اق، مۋزىكانت Air Astana كومپانياسىنىڭ ازىرگە ەشقانداي شەشىم قابىلداماعانىن ايتتى. كومپانيا وكىلدەرىنىڭ پايىمداۋىنشا، گيتارا الماتىعا جەتكىزىلدى، ودان ءارى جۇكتىڭ جولاۋشىعا جەتۋىنە اۋەجاي جاۋاپتى.

كەشە Air Astana تانىمال مۋزىكانت ەرلان كوكەيەۆتىڭ گيتاراسىن ىزدەپ جاتقانى تۋرالى حابارلاعان ەدىك.

مۋزىكانتتىڭ ايتۋىنشا، مۇنداي وقيعا ءبىرىنشى رەت بولىپ جاتقان جوق جانە بارلىق جاعداي Air Astana كومپانياسىنا قاتىستى.

سوڭعى جاڭالىقتار