مۋزەيدە «شىڭعىس حان: موڭعولدار الەمدى قالاي وزگەرتتى» كورمەسىن 200 مىڭنان استام ادام تاماشالادى

көрме
فوتو: montsame.mn

استانا. KAZINFORM - موڭعوليانىڭ مادەنيەت مينيسترلىگى مادەنيەت سالاسىن دامىتۋ، كوپجاقتى ىنتىماقتاستىق جانە موڭعوليانىڭ مادەني مۇراسىن الەمگە تانىمال ەتۋ ماقساتىندا كوپتەگەن ەلدەرمەن ىنتىماقتاستىق ورناتتى. بۇل جۇمىس اياسىندا موڭعوليا مۇراجايلارىن دامىتۋعا جانە شەتەلدىك مۋزەيلەرمەن ىنتىماقتاستىق ورناتۋعا، ءوزارا تاجىريبەنى زەردەلەۋگە جانە بىرلەسكەن جوبالاردى جۇزەگە اسىرۋعا ەرەكشە كوڭىل ءبولىنىپ وتىر، دەپ جازادى مونسامە اقپارات اگەنتتىگى.

وسى باعىتتاعى جۇمىستاردىڭ ءبىرى قازىر فرانسيانىڭ نانت قالاسىندا ءوتىپ جاتقان «شىڭعىس حان: موڭعولدار الەمدى قالاي وزگەرتتى» اتتى كورمە بولدى. كورمەنى بيىل موڭعوليا مەن ا ق ش-تا، 2025 -جىلى شۆەيتساريادا تانىستىرۋ جوسپارلانۋدا.

بۇگىنگى كۇنگە دەيىن كورمەنى 200 مىڭنان استام ادام تاماشالاعان.

ەلدىڭ مادەنيەت ءمينيسترى چ. نومين شۆەيتساريانىڭ ريتبەرگ مۇراجايى ديرەكتورىنىڭ ورىنباسارى يوحاننەس بەلتسپەن كەزدەسىپ، بۇل كورمەنى 2025 -جىلى شۆەيتساريادا جالعاستىرۋ جانە مۋزەي سالاسىنداعى ىنتىماقتاستىق ماسەلەلەرىن تالقىلادى.

көрме
فوتو: montsame.mn

كەزدەسۋ بارىسىندا تاراپتار مۋزەيدىڭ ەكسكۋرسيا جەتەكشىلەرىن، تالىمگەرلەر مەن سۋرەتشىلەرىنىڭ بىلىكتىلىگىن ارتتىرۋ جانە بىرلەسكەن جوبالاردى جۇزەگە اسىرۋداعى ىنتىماقتاستىق ماسەلەلەرىن تالقىلادى.

سونداي-اق تاريحي ارحەولوگيالىق ولجالاردىڭ، ۇلتتىق كيىمدەردىڭ بىرلەسكەن كورمەلەرىن ۇيىمداستىرۋ جانە كوپجىلدىق ىنتىماقتاستىق ماسەلەلەرى دە قوزعالدى.

نانت قالاسىنداعى «شىڭعىس حان: موڭعولدار الەمدى قالاي وزگەرتتى» كورمەسى 2024 -جىلدىڭ 5-مامىرىنا دەيىن جالعاسادى.

سوڭعى جاڭالىقتار